薛家燕買富貴竹催旺運氣

由薛家燕主持的《新春開運王》熱播中，日前她與麥玲玲師傅到花墟拍攝外景，麥玲玲說︰「唔同嘅花、盆栽同植物，擺喺唔同嘅地方，對運勢都有幫助。」家燕姐表示今年希望買富貴竹催旺運氣︰「本來想玲玲師傅帶我去花店買富貴竹，因為上年佢送咗啲富貴竹畀我，擺咗成年都好靚，所以今次想玲玲師傅幫我揀。」

家燕姐當日除了買富貴竹，亦買了一大串五代同堂，麥玲玲提醒家燕姐︰「五代同堂要放喺高處，或者放喺門邊附近…我每次同家燕姐拍嘢都好開心，佢帶咗好多歡樂畀我哋。」而家燕姐亦大讚玲玲師傅，不但在玄學上提供意見，亦有不少飲食好介紹。