星格BOSS︳孫慧雪囝囝偏食促成開店賣食材 目標成立分店 自設食品廠

孫慧雪（阿雪）去年10月無懼「疫」市，同4位朋友合資過百萬開食材店「COOKiDEA」，不單止在商場內擁有實體店，更已成功發展至網上同步銷售，並推出自家製品牌美食，例如雲吞、餃子、湯包及年糕等，實行將公司多元化，而她透露公司計劃開分店，終極目標是希望能夠開設食品廠，將這門生意越做越大。

同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

{{hket:inline-image name="9.jpg"}}{{/hket:inline-image}}

{{hket:inline-image name="10.jpg"}}{{/hket:inline-image}}

阿雪除了做藝人及KOL外，做生意經驗亦很豐富，可算是老手一名，曾經賣時裝及在網上賣個人DIY的製成品，「呢兩樣經驗都好開心，自己啲嘢有人欣賞，後尾做食係因為自己做咗媽媽，為家人開始畀心機研究廚藝，囝囝有少少偏食習慣，單係肉類就嘗試用唔同方法去整畀佢，𠱁佢去食，跟住又拍片教人點整。過程中認識到而家公司嘅拍檔，當中有廚師（曾於《都市閒情》教授廚藝的型男廚神Oreo湛錦鈿）、導演同做市場宣傳，好多人睇片時追問啲食材喺邊度買，幾個拍檔就一拍即合，咁不如我哋做埋賣嘢嗰個，因為都幾講究去邊度買食材，於是就去諗做呢門生意，利用我哋幾個人嘅所長去做。」

孫慧雪肚凸凸孕味濃 被網民追問 曾因子宮肌瘤被狠批冇得生【下一頁】

{{hket:inline-image name="241177627_114877834245955_6858184779189704397_n.jpg"}}{{/hket:inline-image}}

{{hket:inline-image name="271497568_342102711080337_4291909023023109585_n.jpg"}}{{/hket:inline-image}}

阿雪指公司在營運過程中，慢慢發展推出自家食材的生產線，「有自家製嘅餃子、湯包，陸續仲會推出餸包，今個農曆年又會有年糕，全部都係我哋一路研發出嚟。後來發覺搞間食材店係好忙，要不停入貨又要新鮮。以前一個人做生意就相對壓力大，而家有拍檔分擔就舒服好多，我冇時間會幫手做埋我嗰份，到我有時間就會努力做番好，覺得分工上係幾好，大家亦冇咩拗撬，好互相體諒對方，而保持住呢個心態先唔會嗌交。」阿雪預告會做一日店長，幫公司宣傳兼吸引顧客，大家到時看看會否好彩遇到她。

孫慧雪感性出Po思考未來 網民反應大： 過檔ViuTV？【下一頁】

{{hket:inline-image name="13.jpg"}}{{/hket:inline-image}}

{{hket:inline-image name="4.jpg"}}{{/hket:inline-image}}

至於開業至今收支已達平衡？她說：「我哋最初頭只得實體店，想落力搞好舖面先，但後來就搞埋網店，有網店後生意亦係好咗，因為而家講求方便，網上落單就送去屋企。做生意係要與時並進，所以網站砌圖要砌得好又要快，又要諗多啲唔同套餐，例如疫情期間要推出外賣餐，冬天就整打邊爐餐。其實大家有共識暫時唔會分錢，就算賺到利潤都投資入去繼續滾，想發大生意嚟做，唔會心急有錢賺就分咗先，有錢賺就擺番入去公司發展。（坊間食材店勁多，如何突圍而出？）我哋公司嘅商場已有好多間類似舖頭，相熟街坊知道我哋係特別抵買，同時貨品會不停更新，令到顧客每次入嚟總會有啲驚喜，唔同國家食物都會入貨，因知道香港人鍾意試新嘢。講真都有靠口碑，我哋出嘅鮮蝦雲吞係好大隻，啲人係買完又買，呢個係自家品牌，覺得要保持品質，加上大家食過係OK，有口碑就會做得好。（公司已有未來大計？）都係想越做越大有分店，同埋想有自己嘅食品廠，呢個係大家由開店已經有嘅共同目標，希望繼續努力去做。」

（↓點擊放大睇圖片↓）

此外，阿雪雖然忙於開拓食材界生意，但對做戲仍心存一團火未熄，去年同陳國鋒合作電影《愛・還記》，而今年2月已接了兩齣劇集，「前幾日同陳國鋒錄我哋電影嘅合唱歌，今年內電影應該會上到，都知道戲院會受疫情影響而關門，希望所有嘢順順利利。呢套戲會有一個幾唔同嘅我畀大家睇到，以往角色係開心又搞笑，呢次題材有啲沉重，講我爸爸患有腦退化症，要面對好多問題。本身性格係對人歡笑，好少將唔開心擺出嚟，就算識好多年嘅朋友都無見過我喊，但呢套戲就成日喊。對我嚟講係一個挑戰，我係外柔內剛，好抗拒被人睇到柔弱一面，好難喺人面前喊，同人呻都會忍住唔喊，希望到時觀眾睇到有共鳴，又見到我演戲實力。未來希望以演戲為主，因為本身最鍾意都係呢樣，今年可以專注去做。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}