父子同告確診︳林子博康復報平安揸車送仔返學 大女無被感染：佢底子打得好

前無綫娛樂新聞主播林子博日前在社交平台表示自己「中招」，於英國當地確診新冠病毒，正在家中自我隔離。昨晚（20）他在網上報平安，表示身體已康復過來，同樣確診的細仔卓楠亦成功擊退病毒，兩父子完成隔離，一齊出關，父親駕車送兒子返學。至於同屋的大女詠渝，並沒有受病毒感染，林子博認為她跟「身體底子打得好，抵抗力好」。

{{hket:inline-image name="01212001.jpg"}}{{/hket:inline-image}}

{{hket:inline-image name="01212003.jpg"}}{{/hket:inline-image}}

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

林子博在車廂內拍片，談談生活感受，聲音相比上次清晰很多，人亦已回復精靈，「已經唞咗超過10日，真係好咗好多，把聲返番嚟啦，冇發燒、冇周身骨痛、冇頭痛，一直好擔心唔知自己中邊瓣……最早只係喺屋企做快速測試，結果出嚟兩條線，自己應該係中咗招。有啲網民就話快速測試未必準，最緊要通報有關方面，攞個PCR Test再check一次先知。跟住我向NHS（National Health Service）通報，佢就寄咗PCR Test嚟我屋企，做完之後寄番畀佢，到最後結果話我呈陽性，證實咗我中Covid，但就唔知係邊一種。」他認為自己是感染Omicron，皆因他有味覺但無氣喘，最初幾日發燒，情況反覆，第6日退燒時以為康復，但原來是靠退燒藥暫緩，停藥後又再發燒，那段時間維持高燒38度幾。

確診新冠病毒︳林子博發燒又發冷 家中自我隔離 鄧小巧：唔好當Covid係世界末日【下一頁】

林子博續稱︰「阿仔有唔舒服，幫佢做快速測試一樣得出兩條線，跟坐報畀NHS，亦收到PCR Test。佢哋email嚟話阿仔唾液結果都係呈陽性，提醒我哋要小心，要了解番過去呢段時間接觸過咩人、去過乜嘢地方，同埋我哋需要接受幾多日隔離，過程中要注意啲咩；一路有同NHS用email聯絡，直至噚日有人打電話畀我，我就話如果想我表達（病情）得好啲，請安排一個講廣東話嘅職員畀我……跟住隔咗一陣，我兩父子同一個講廣東話嘅職員，喺電話進行三人會議，呢方面安排得幾好，佢哋叫我用10日時間為一個隔離期。亦因為了解咗我1月7日發病，已經過咗呢10日隔離期，佢哋叫我再用快速測試睇吓結果係點，如果我冇嘢就可以出街，而阿仔好快已經退燒，有2日無乜點食藥就瞓，瞓醒就乜事都無，所以阿仔而家返學，佢已經過咗10日。」

林子博一對子女獲英國學校錄取 爆姊弟齊發燒 憂心確診【下一頁】

林子博亦慶幸無跟從當地學校做法，之前讓細仔如常返學，否則可能變成播毒者，「呢度學校覺得你嘅快速測試呈陰性就要返學，即使你有發燒或有感冒徵狀……我就穩陣啲，可能結果有少少偏差，隔咗2日再check就呈陽性，當日都係決定唔畀阿仔返學。作為一個盡公民責任嘅人，係唔應該播毒，無論係咪感染Covid，都唔想小朋友將感冒帶去學校感染其他同學仔。慶幸呢個決定係啱，因為阿仔真係中招。」

（↓點擊放大睇圖片↓）

至於大女詠渝的情形，林子博說：「而家屋企叫回復正常，阿女係由頭到尾都冇中過招，可能佢嘅底子打得好，抵抗力係好好。當然呢件事，我買咗好多維他命，每日強迫小朋友去食，身體打好底就冇咁容易中招。今次發覺病毒會恰（欺負）年紀大嘅人，見我病咁耐就知，病咗10日，真係10日之後先退燒，唔使靠退燒藥；但感冒菌未完全清晒，仲係有啲痰、幾聲咳……幾感恩，至少冇氣促、冇氣喘，有味覺，好似普通感冒，沾寒沾凍持續咗一段時間。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}