由凌文龍、岑珈其、陳漢娜、楊樂文（Lokman）、余逸思、陳湛文、鄧子超等主演的ViuTV劇集《IT狗》，自播出以來成功掀起不少話題，當中飾演「Johnny仔」的鄧子超（小B）亦因此而備受關注。其實鄧子超早在14年前已入行做演員，而且更與劇組「抽水」的對象馮德倫大有淵源。
同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？
Johnny仔是插畫師，患有侏儒症，本來一直被同伴睇死，後來因為將畫作以NFT售出而一夜致富，更拯救了主角阿信（凌文龍飾）的初創公司。鄧子超戲份不算多，但角色卻有著重要功能，每次出場都好搶戲，對劇情推進起關鍵作用。
在第4集中，PayPayDuck員工誤以為Cathy Ho（彭秀慧飾）喜歡馮德倫，便將馮德倫的海報貼滿共享辦公室以討好對方，但原來兩人只是大學同學。劇集引起回響，亦引來馮德倫親身回應，在IG上載劇集截圖，tag了老友兼《IT狗》監製羅耀輝，表示下一次可以搵佢拍劇，「我們需要好的喜劇，下次不要只用我照片，叫我加入呀！」
現實中，馮德倫原來是鄧子超的恩人，在2008年，馮德倫給予了對方第一次演出機會，就是拍攝陳奕迅《倒帶人生》MV，鄧子超一直牢記在心中。他在去年分享與馮德倫合照，留言：「2008年嘅今日，一個願意給我第一次演出機會嘅導演……就係你馮生，那時第一次演出酬勞係$900，落樓即刻打畀媽，那刻應該係人生喊得最崩潰嘅一次！那時全家經濟陷入困境並欠債百萬，同媽講我有錢買嘢食畀自己，今個月唔駛擔心我；然後買咗兩箱印尼撈麵，食了一個半月，期間我也終於搵到工作，香港其中一個主題公園。前面是絕路，希望在轉角，呢句電影對白係當時每天同自己講嘅座右銘。」
《IT狗》X《膠戰》｜31歲岑珈其入行15年拒再演學生 為圓演員夢做勻十個行業維生【下一頁】
鄧子超患有先天性軟骨發育不全症，身高只有133厘米，身體機能同智力與正常人無異。他從小就受盡外界歧視目光，又常遭外界誤以為智力低於常人，他受訪時曾透露有小學老師在他寫下「我要當警察」的志願時，質疑他「你做到嗎？你夠高嗎？」；在他20多歲時幫家人到灣仔街市買餸，一名路人突然挑釁性地全身打量他，他忍不住爆粗：「望X完未呀！」最後被街市檔販及行人言語攻擊，他只好急急離去。
雖然天生條件有限制，但鄧子超沒有放棄，在與偶像陳奕迅合作拍攝《倒帶人生》的MV後，繼續他的演藝之路，於主題公園萬聖節扮演控制升降機的小鬼；同時參與舞台劇、拍電影等工作，在電影《陀地驅魔人》中，飾演為張家輝提供情報的小鬼。近年來除了發展演藝事業，鄧子超亦會幫屋企人打理餐廳業務。
撰文：林惠珊
《IT狗》｜陳湛文凌文龍爆笑重演經典場面 「由衷想向《英雄本色》致敬」【下一頁】
U Lifestyle App自家節目登錄《U TV》專區！
↓↓試玩、試食、試用影片任你睇↓↓
- {{hket:inline-image name="11.jpeg"}}{{/hket:inline-image}}
- {{hket:inline-image name="22.jpeg"}}{{/hket:inline-image}}
- {{hket:inline-image name="33.jpeg"}}{{/hket:inline-image}}