因為是朋友呀︳39歲蔡卓妍早立遺囑揀定遺照 打破童顏傳說被指微調：塊面好硬

現年39歲嘅阿Sa蔡卓妍一向都係圈中嘅童顏代表，18歲就出道嘅佢有一班觀眾「睇住佢大」，咁多年嚟除咗多咗女人味之外，外貌都冇咩點變。不過最近佢同好姊妹阿嬌以及容祖兒嘅內地節目《因為是朋友呀》喺J2播出，就版網民指佢終於打破佢嘅「不老傳說」。

同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

阿Sa喺在節目中大講心底話，又談及生老病死嘅話題，佢表示：「我通常我一想事情，我都會想最好還有最壞，這個是我媽教我的。我已經把我的平安紙（遺囑）寫好，我的遺照也選好了，我每五年會換一次，我都選開心的照片，我就是怕你們會選那種很悲慘、很黑白的照片，所以我選了彩色，然後笑的，我只是想好而已，因為我覺得離開了都不知道會發生什麼事，但是留在這個世界上面的人才是最難過的，所以我就會想要拍一個視頻，跟我爸爸媽媽、朋友、我的伴侶、幫我工作的所有人去講一段話，感謝他們，然後發到群裏面，就讓他們不要那麼傷心。」

{{hket:inline-image name="10a0e807f19eceae3536e8ddc59aff95.jpg"}}{{/hket:inline-image}}

有網民指阿Sa嘅諗法太過悲觀，都有人欣賞佢做人有計劃，又為家人着想；亦有人將焦點放咗喺佢嘅面上。網民指阿Sa嘅面比起之前明顯唔同咗，疑似做過手腳「微調」：「上面最新嗰張佢個樣硬咗好多，係咪貪心打針打得密咗多咗？佢個蘋果肌都幾明顯，之前佢仲keep到都係因為佢唔貪心，而家開始有老態。」、「兩邊面好似郁唔到咁，唔係好自然。」、「不老女神阿Sa都走上呢條路。」

其實阿Sa近年都開始勤力保養，佢曾經講過自己開始跳一種叫Zumba嘅舞，當做帶氧運動，因為怕變肥，佢表示：「因為我真係太喜歡食嘢，但因為而家年紀大，新陳代謝變慢，以前細個點食都唔肥，而家要做好多運動先可以食。」 當時有人指好姊妹阿嬌冇佢keep得咁好,佢都豁達表示：「我覺得大家太挑剔啦，我哋都係我哋，當然我哋會長大，你哋以前認識我哋嘅時候先十幾歲，而家三十多歲（會老）好正常。」

阿Sa指自己嫲嫲已經九十幾歲，但睇落就似七十幾歲。阿Sa話嫲嫲非常開朗，思想簡單同善良，又經常幫人，所以就心善人美，睇嚟阿Sa Keep到都關家族遺傳事。