滕麗名誤會老公送夢幻少女花 被「神秘」小鮮肉冧暈：女人好易𠱁

日前係《愛‧回家之開心速遞》「熊尚善」滕麗名嘅46歲生日，喺圈中人緣一向唔差嘅佢收到好多人嘅祝福，仲同劇組切成4個生日蛋糕慶祝，非常有愛！講到慶祝又點少得最錫佢嘅老公呢？佢就收到一紮超夢幻嘅花束，阿滕以為係老公咁知佢心，點知原來送花者係另一位好有愛嘅「小鮮肉」。

同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

滕麗名日前大曬呢束少女感滿滿嘅花束，留言：「我個真名叫大頭蝦哈哈哈，我真係搞事到一個地步，原來紮花物主並唔係我老公，原來係………… 」仲𠱁到滕麗名大講「l love u too」，唔係老公到底係邊個？唔通佢老公出現勁敵？原來係「風少」陳浚霆，其實喺風少之前，阿仔「金城安」周家洛都已經率先送上靚花，睇嚟滕麗名真係好受小鮮肉歡迎呀！

{{hket:inline-image name="272126441_3260666584260063_8702990678096688480_n.jpg"}}{{/hket:inline-image}}

其實滕麗名人緣一向唔差，疫情前，佢喺日本跌落樓梯斷骨，結果要留院兩個多星期，受傷期間阿滕獲一眾《愛‧回家之開心速遞》好同事送暖，劉丹、單立文、周家洛等「家人」嘟嘴打氣的照片，「大小姐」就越洋送上生日禮物，陳浚霆當時都有越洋寄物資給畀滕麗名，真係超多人錫。

雖然滕麗名話女人真係好易𠱁，不過一啲都唔使戥佢老公擔心，因為一向出名錫老婆一早已經寵到老婆上天，當時喺同行嘅佢就來往港日兩邊飛照顧老婆，又緊張又溫柔嘅佢冧到阿滕心痛又心甜，真係患難見真情！

不過其實滕麗名婚前情路坎坷，當年同魏駿傑去到談婚論嫁階段，至2007年突然分手。其後跟郭政鴻拍劇撻著，發展近兩年地下情冇結果。最終2013年同金融才俊老公朱建崑結婚，見證住佢越來越幸福！

圖片來源：INSTAGRAM