大埔近白石角一帶今早發生嚴重交通意外，一輛私家車今晨約11時沿博研路往科學園方向行駛，期間懷疑因天雨路滑「跣胎」撞車。在網上流傳的CCTV片段可見，私家車突然失控剷上路邊花槽後再攔腰撞向一支燈柱，由於速度之快，撞擊手非常猛烈，最終全車應聲斷成兩截，車頂飛脫跌至行人路上。
同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？
我要做業主2｜張達倫為首期上車連人情都慳 日使250蚊 三餐靠公司飯堂【下一頁】
姓陳（42歲）男司機及姓區（28歲)）男乘客驚魂未定呆坐車上，由途人協助報案，最終在警方、消防及救護員趕至後，協助二人離開車廂。他們分別報稱胸及頸痛，需由救護車送往大埔那打素醫院治理。
由於CCTV片段在網上流傳，不少駕駛者都驚嘆兩人「執番身彩」，而亦有傳媒拍到乘客在獲救之前，一直在私家車內玩電話，有網友形容兩人「好Chill」、「撞到咁都唔驚，定係驚到傻咗」、「大難不死，必要打卡」等等。亦有網友就CCTV片段留言：「有冇朋友仔可以話番畀我聽張達倫有冇事？」原來該名司機的樣子跟張達倫相似，令人誤會司機是他本人。
失憶24小時X大步走｜ 張達倫譚偉權兩套劇集都有份 細數十個「老是常出現」演員【下一頁】
張達倫本尊親自回覆該名網友，「你講嘅張達倫是我嗎？我冇事！多謝關心，因為駕駛者不是我。」好友莊思敏都有笑埋一份，而其他網友異口同聲「真係好似樣」，難免令人誤會，連版主都回覆張達倫「 人冇事先做到世界冠軍，唔好意思認錯」。
張達倫接受《晴報》電話訪問，他表示：「係呀！好多人問我呀！又傳短訊畀我！真係搞笑！見到呢啲事，發現原來自己人緣都幾好，好多人關心自己。（覺得似唔似司機？）可能大家見有『的水』，大家就以為係我，不過熟我嘅朋友一望就知唔係！唔清楚司機情況點，見佢哋仲好浪漫咁玩電話，希望平平安安啦！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉