大坑甜蜜蜜 異國甜品 共聚一區

想感受慢活，當然要到大坑逛一圈。這個古老建築與新潮小店共存的小社區，原來更充滿糖份！由邪惡美式冬甩，到吸睛日式班戟，又或正宗西班牙Churros都有，大家不妨瘋狂掃食區內3大甜甜名物啦！

爆餡美式冬甩 Cookie Vission

第一站先去浣紗街，嘗卡路里爆燈的美式冬甩。這間小店由網店做到實體，由專賣曲奇到賣埋冬甩，人氣愈來愈高，平日都有長長人龍爭住幫襯，未到6pm可能只搶剩10來個冬甩呢！

這次重點是新出的冬甩系列，冬甩口感鬆軟有彈性，除了爆餡，冬甩頂部有一望就覺得肥嘟嘟的醬料。從半開放式廚房看着師傅即炸即出爐，冬甩吃落沒半點油膉味，很新鮮。

口味超過10款，款款爆餡，最受歡迎必數Hot Chocolate，表面有烤焦棉花糖，內餡有半流心的朱古力Cream，再灑上可可粉，邪惡得很！經典的Apple Fritter也做得好吃，麵糊中加入玉桂蘋果粒再炸成不規則形狀，香甜鬆軟。不要以為這些冬甩咁肥仔一定好甜，他們按香港人口味調整甜度，吃落不會太漏。

Cookie Vission

地址︰浣紗街6號全興樓地舖

電話︰5545 5655

營業時間︰9am - 9pm

日式雪崩厚班戟 Miles by MMT

與Cookie Vission一巷之隔是這間文青Cafe，由前香格里拉酒店甜品廚主理，主打自家製Pastry，例如肉桂卷、香蕉蛋糕、日式班戟、牛角包窩夫等。一款叫Avalanche的兩層日式厚班戟屬必吃，用上日本麵粉炮製，厚實帶Q度，淋上Tiramisu cream後如雪山崩塌，很適合打卡。

另一必吃是買少見少的糖蔥餅和冰糖葫蘆，富港式舊情懷。配甜品可選咖啡，使用本地炒豆工場出品，House blend近期選用了巴拿馬SOE，中淺烘焙處理，味道微酸帶甜，與甜品頗夾。

Miles by MMT

地址︰浣紗街8-10號

營業時間︰星期一至五7:30am -6pm，星期六至日8:30am - 6pm

正宗西班牙Churros #What The Food

最後一站可以來這間位於京街、主打西班牙正宗Churros的小店。店舖平實低調，甜品廚從知名糕餅連鎮店出身，Churros配方依足西班牙傳統，每日店內即製，炸得金黃鬆脆，中心軟嫩，無油膉味及膩口感。

Churros可以配肉桂糖外，還可選配薑黃糖、花生糖、覆盆子糖、抹茶糖等，配檸檬醬、黑朱古力醬或海鹽焦糖醬等，全是自家調配。推介花生糖配海鹽焦糖醬，食到粒粒花生碎，口感香脆；薑黃糖配檸檬醬是自創口味，食落微酸帶香料香。這裏不定期推出限定口味，例如雙重朱古力，連麵糰中都加入了可可粉做。平日餐廳有"Para Mi"作招徠，即是西班牙廚師發辦，有6至8道菜，由Tapas到主菜水準有驚喜。

#What The Food

地址︰京街3號地舖

電話︰9883 3326

營業時間︰星期二至五5:30am - 10pm，星期六至日1:30pm - 10pm，星期一休息