【聲明】港生活網站並無進行電話推廣活動

受《倒轉地球》帶挈勁多Job 陶大宇預告推出賀年歌

發佈時間: 2022/01/24

早前因獻唱一曲《倒轉地球》而爆紅的陶大宇,最近完成內地工作返港後,即獲余詠珊招攬,昨日拍攝香港開電視新春節目。大宇預告推出一首賀年歌,希望觀眾聽得開心,有機會亦想拍攝港劇。

陶大宇昨日與蔣怡(Coco)、余思敏等,在屯門拍攝香港開電視節目《名廚虎年賀新春》。大宇透露今次返港已做了三次核酸檢測,此行亦會留港一段時間。提到他憑在內地登台時的飲歌《倒轉地球》爆紅,他預告即將出新歌︰「其實會錄一首賀年歌,由三首歌串成medley,都係純粹玩下啫,之前太忙無時間,所以喺內地錄音,首歌一定會加『噓』呢個元素。」受《倒轉地球》帶挈而賺了不少?大宇笑說︰「係好嘅影響,機會係多咗,工作量多咗等於加咗價。暫時又無諗過要做歌手,正如之前網民揀我做『我最喜愛的男歌手』,呢個真係講笑啫。」

至於大宇唱歌時的招牌水撥手勢以及「噓」一聲成為其標記,他笑言最重要大家睇得開心,而賀年新歌即將於各大平台播出MV,他亦會到電台派歌。此外,大宇表示若有機會,他也希望回港拍劇︰「之前因為我太挑剔,加上時間配合唔到,錯失咗一啲機會,所以早排無乜戲拍,咪走去唱歌囉,我相信上天自有安排,如果遲啲我唱唔到歌,或者我又可以去變魔術。」

蔣怡不敢賣弄廚藝

同場的蔣怡及余思敏擔任嘉賓,Coco笑言在現場的大廚面前不敢班門弄斧,所以會煮一些簡單的日本菜。近日疫情嚴峻,Coco表示一對子女留在家中上課︰「兩個小朋友喺屋企,佢哋一路喺我身邊轉來轉去,搞到我做唔到嘢,不過好彩屋企人幫個女睇功課,囝囝仲細未有功課,可以輕鬆啲。」至於余思敏自言廚藝麻麻,笑指老公鄭中基的廚藝比她更好,幸好老公沒有挑剔她。

採訪︰Pauline

美術︰梁政敏

攝影︰林良明

受《倒轉地球》帶挈勁多Job 陶大宇預告推出賀年歌

陶大宇(右四)與蔣怡一起拍攝賀年節目。

受《倒轉地球》帶挈勁多Job 陶大宇預告推出賀年歌

余思敏獲老公鄭中基支持復出幕前。