【聲明】港生活網站並無進行電話推廣活動

學唱《記憶棉》 陳展鵬欣賞MC張天賦:有型實力派

發佈時間: 2022/01/24

陳展鵬(煎Pang)早前在微博開直播,勁吸16萬內地網民捧場,他更透露有聽MC張天賦、馮允謙等年輕歌手的歌曲。日前煎Pang接受本報訪問,大讚MC唱功了得,更留意對方的歌曲如《反對無效》。煎Pang說:「但依家唔係興《記憶棉》咩?近期MC啲歌plug得勁,我都有學下佢嘅歌,幾好玩,有機會可以唱下。」

煎Pang更認為MC有自己的影子,他說︰「MC唱功好實淨,啲歌嘅key偏高但技巧好好,係難得有型嘅實力派。同埋佢性格都有啲似我細個嗰時,睇佢嘅訪問後都好欣賞佢。」他亦十分留意本地樂壇,大讚新生代歌手林家謙、馮允謙及曾比特:「好似《我不如》呢啲歌都好正。」提到在微博開直播甚受歡迎,他說:「微博好多人話想見我,之前撞正生日,同《鐵拳英雄》喺內地播緊,所以咪第一次開live,希望農曆新年後開多次,大家都話想見我個女小豬比。」

採訪:Steven

學唱《記憶棉》 陳展鵬欣賞MC張天賦:有型實力派

MC張天賦靚仔又唱得。(資料圖片)