《愛回家》新人物︳陶大宇挾人氣回巢TVB訪問被突擊 答應林淑敏客串：我想畀你喝

陶大宇最近憑獻唱《倒轉地球》而爆紅，這日挾人氣返娘家無綫接受《東張西望》訪問，期間《愛回家之開心速遞》大小姐（林淑敏飾）、送水輝（許家傑）邊唱邊跳《倒轉地球》闖入，𠱁得大宇甚為開心；二人趁勢邀請對方客串，成功打動大宇，表明想畀大小姐喝罵，自願將片酬打折。

同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

{{hket:inline-image name="01241001.jpg"}}{{/hket:inline-image}}

{{hket:inline-image name="01241002.jpg"}}{{/hket:inline-image}}

大宇同林淑敏於2008年合作拍劇，這次見面自不然話當年，女方說：「好耐之前同大宇哥合作講食嘅劇集（意指2008年《和味濃情》），我做office啲妹妹……大宇哥會同我哋一班新人傾偈，會同我哋分享經驗，同埋係冇架子。嗰時佢已經係好天皇巨星，師奶殺手！」

倒轉地球︳陶大宇預告推出賀年歌派台 力爭我最喜愛的男歌手？【下一頁】

大宇聞言，即讚林淑敏當年已經好靚，所以也有特別留意她，並笑問身旁的許家傑是否認同，明玩他，「日見夜見肯定唔敢話唔靚……」突然，大宇一臉正經多謝林淑敏，「其實當初好多謝佢，真係多謝佢，鼓勵咗我好多嘢，記得我嗰時唔開心，佢行埋嚟鼓勵我……」林淑敏則扯開話題，稱聽到大宇唱《倒轉地球》時，已第一時間上網，一邊睇一邊模仿台風；許家傑亦讚大宇犀利，就算被網民批評，仍舊開開心心上台表演，與《愛回家》一樣帶歡樂給觀眾。

陶大宇受疫情影響見面會延期 未能與眾同唱《倒轉地球》感可惜【下一頁】

大宇表示：「我有宗旨，就係你想人哋開心，其實你自己開心咗先！如果你夾硬嚟，人哋會睇得出。（有睇《愛回家》？）有，起碼知佢哋送水輝、大小姐係兩公婆……佢又喺酒吧『喝』歐瑞偉，成日『喝』Terry……」林淑敏、許家傑趁機左右夾擊，力邀大宇客串《愛回家》，許家傑說：「最好大宇哥可以客串一集！」大宇未有抗拒回答：「咦？好！，睇吓咩角色，但係我要畀你（指林淑敏）『喝』！」林淑敏笑說：「但你而家收得咁貴……」大宇開綠燈笑言：「呢樣嘢就……打個折啦，都得嘅！」

（↓點擊放大睇圖片↓）

此外，2005年劇集《心花放》同大宇演兄妹的唐詩詠，這日路過時，亦有上前送抱抱，大宇興奮說：「嘩！視后呀，我攬視后呀，哈哈！」唐詩詠指入行的第二齣劇，就是同大宇合作，所以印象很深刻，難得聚頭，合照過後才離開。大宇亦很有記性，記得當日第一場戲在機場拍攝，「好開心，同佢拍完套劇，差唔多離開TVB，走出去發展……喺《心花放》做佢阿哥，即刻彈番起啲回憶，第一場戲講我喺外國返嚟，佢就喺機場接我機。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}