楊詩敏（蝦頭）與連詩雅（Shiga）主持的網上節目《絲打圍爐》，早前邀請衛詩雅擔任嘉賓，細談「出軌」話題。絕不容忍一腳踏兩船的蝦頭，指自己的「天線」很強，能夠發現男友任何「風吹草動」，詩雅指這些就是女人的第六感。
同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲
Shiga曾發現男友「偷食」，但她當時選擇原諒對方，這條刺對她的傷害很大，Shiga說：「一齊咗一、兩年，我先知道頭一年（前度男友）係一腳踏雨船，唔知係咪後來佢發現呢件事唔啱，佢就同嗰邊結束。之後我同佢講番，話佢知我知道呢件事，其實已經唔再信佢……每次同佢出街，我覺得呢個人係可有可無，因為佢令我好失望。」對於「精神出軌定肉體出軌」這個話題，Shiga又竟可接受男友肉體出軌？她說：「我寧願佢好誠懇同我講，唔知做乜嘢鬼揞眼或者飲醉咁啦！或者被人強姦咗……我可能都會原諒，但如果佢鍾意咗第二個，我會不斷去諗，其實你已經唔係好鍾意我，或者無論我再做啲乜，可能已經得唔到你100%嘅心。」
絲打圍爐│鄭融與蝦頭超開放談「洋腸」話題 網友斥：連詩雅港女長期有偶包【下一頁】
談論到「男士召妓」這個話題，詩雅立即示意「好介意」，她說：「一嚟污糟，二嚟係連呢啲都控制唔到，你就控制唔到自己人生，自制能力好低，佢人生唔會成功，因為叫雞。」蝦頭即笑說：「唔係喎！好多成功人士都叫雞！」
絲打圍爐丨J.Arie性需求大無限復活一晚7次 純情連詩雅面紅：唔攰唔痛㗎咩？【下一頁】
詩雅指自己沒自信，以前會查看男友電話內容，「一個前度出軌嘅故事……有一日，好多家人嚟咗我屋企，佢就成日匿喺間房，我心諗咁忙？我入到房，見到佢講電話，但佢好驚，一直講『係……係……好吖，係咁！你幫我check吓嗰啲嘢』！好似講梗公事，我行到埋去，就即刻收線……之後佢電話又響喎！」蝦頭好奇問：「對方打番返嚟？」詩雅續說：「電話響，冇辦法，佢要接聽，我就睇到個名，顯原係男人名，叫陳生……佢冇得唔聽，其實隔音好差，我就聽到女仔聲，佢話『晏啲打畀你』！然後收線，我問『點解女仔聲係叫陳生』？佢答案係『佢哋兩公婆用同一個電話號碼』……我話『好，唔緊要，我唔信你，你可唔可以喺我面前打畀陳生？開speaker繼續你哋嘅對話』？我諗住聽兩句，跟住佢死都唔肯，我話如果你唔打，我哋冇辦法喺一齊，跟住就分咗手嘞！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】