草蜢頻道︳蔡一傑曾為陳百強未夠秤偷入Disco 憶年初二收對方窩心小禮物

已故巨星陳百強（Danny）是不少人心目中的偶像，草蜢三子亦深受這位前輩影響，當中成員蔡一傑就為了見Danny，就算「未夠秤」亦要偷入Disco，望能近距離一睹巨星風采，結果給他如願以償，見證住偶像對鏡跳舞自娛。而日後更有意想不到發展，Danny擔任草蜢首個歌迷會派對的嘉賓，新年還邀請他們到其寓所睇煙花，眾人玩樂完離開時收到一件窩心小禮物。

同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

{{hket:inline-image name="01242001.jpg"}}{{/hket:inline-image}}

{{hket:inline-image name="01242002.jpg"}}{{/hket:inline-image}}

草蜢蔡一傑、蔡一智及蘇志威於YouTube開設頻道，聯同時裝設計師陳華國（Kenneth）分享昔日趣事，最新一集就講到陳百強（Danny）的相處點滴，當中傑仔就為了見Danny，十幾歲時就問人借西裝扮人混入Disco，「嗰時係未夠秤，13、14歲咁上下，我係唔夠歲數，特登去借件西裝扮大人，死都要入去的士高，就係知道陳百強好鍾意去『DD』Disco玩，所以成日希望可以撞到Danny。點知有日真係撞到佢，嘩……全程我根本都唔係喺度跳舞同聽歌，剩係望住Danny，佢實在係好迷人，着衫有品味又風度翩翩，跳舞時佢一個人自娛，對住鏡喺度跳舞，我就係咁望住佢。」

草蜢頻道丨蔡一傑憶述遭羅文整蠱餵話梅核 「羅記好鬼曳㗎」【下一頁】

傑仔指草蜢於1988年舉行首個歌迷會派對，第一個邀請的嘉賓就是陳百強，「當時開心到癲咗…陳百強對於我哋影響幾深刻。」蘇志威就爆某一年的新年，他們有幸去陳百強屋企睇煙花，指入屋後見到一對黑豹，而屋內擺設以黑白為主，令人相當難忘。陳華國在旁作補充：「有黑梳化、黑枱，我上到佢屋企仲好笑，見到Coffee table入面有個鐘，跟住問Danny點解個鐘瞓喺度，唔係戙起擺，原來呢個係名牌子出嘅，並唔係戙起擺，哈哈…，佢真係前衛到不得了，全部都係靚嘢，成間屋好靚。」

蔡一傑罕談患癌媽媽過身經歷 崩潰：我好似一個活死人【下一頁】

原來某一年的年初二，陳百強邀請了梅艷芳及草蜢等人，到其寓所一齊睇煙花兼飲香檳慶祝，眾人離開時獲贈一件特別小禮物，「喺走嘅時候，佢係每人送一粒好靚波子，唔係普通彈嗰啲波子，懷疑係水晶之類，仲好sweet話『你哋每人一粒』，跟住我哋望住佢問『做咩畀粒波子我？』，佢就答『呢個唔係普通波子，係幸運波子嚟㗎，你keep住佢啦』，跟住佢拿埋我隻手，叫我哋收起佢，幾sweet。」蔡一智指這個舉動十足寧波車給祝福一樣，覺得陳百強好想分享好東西給每一位朋友。

（↓點擊放大睇圖片↓）

此外，陳華國分享Danny仗義一面，他說：「我同Danny係好有緣，嗰時我啱啱開始做演唱會嘅製作，有次好受打擊，可能係得罪咗人，話以後都唔用我，但無所謂，我都做咗幾個演唱會。之後喺Disco見到Danny，佢走過嚟話『Ken仔，唔使驚，我幫你，我跟住嘅演唱會搵你幫我做。』，我心裏感動到不得了，佢當時係Fashion Icon，竟然叫我幫佢做騷，咁我咪係好犀利？經過呢次開始識佢，同佢好熟，後期做咗好好朋友。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}