黛安
黛安

一次過辦年貨買年花 奧海城「新春百味市集」

發佈時間: 2022/01/25

一次過辦年貨買年花 奧海城「新春百味市集」

雖然今年無得去維園行年宵,不過黛安收到風,即日起至2月15日,奧海城2期主題中庭會舉行「新春百味市集」,場內集合多個人氣品牌,包括利記/叁拾士多、林村蜂蜜等,方便大家去掃年貨。

公關姊妹話,市集引入多個醬料品牌,搜羅來自世界各地嘅特製醬料和美食,包括人氣之選、月賣逾100萬粒魚肉燒賣嘅「叁拾士多」、香港製造嘅「合泰海產」天然無添加干貝櫻花蝦醬、「壹拾伍」純手工蝦醬魚乾仔辣椒醬,仲有港人熱捧嘅台灣「阿宗麵綫」、「老天祿鴨舌」;韓國入口嘅「韓國正宗蟹膏醬」、「醬油蟹/蝦」等,即使暫時無得去旅行,都可以來一趟舌尖上嘅旅行。

除海外名物外,亦有來自本地嘅品牌,好似「林村蜂蜜王」嘅本地蜂蜜產品、「赤柱江仔」嘅港式手工咖喱醬、「柑淳堂」嘅小青柑和柑普茶等。

另外,年宵市集仲特設「新春賀年花市」,有過百款蘭花和年花,即日起至2月15日喺奧海城2期地下活動大堂展出,營業時間至晚上9點,食完飯可以一家大細去買年花。

撰文: 黛安 消息特靈八卦公關
欄名: 八卦名利場