青春不要臉︳《射鵰》翁美玲重現熒幕觀眾揪心 「理想黃蓉形象」劉穎鏇試鏡爭崩頭

《青春不要臉》逢周一至周五晚八點半翡翠台播出，重現8、90年代年青人於電視台追夢嘅故事。第二周劇情主要描述一眾藝訓班同學畢業後，如何各有發展，五大主角余德丞、劉穎鏇、伍樂怡、丁子朗、戴祖儀之間嘅愛情線。而前晚嘅劇情觀眾討論度極高，事關向已故藝人翁美玲及鄧麗君致敬嘅情節勾起咗大家嘅集體回憶。

同場加映： 兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

劇情講到姜之雁（劉穎鏇Tiffany飾）當選港姐亞軍後，一心加入劇組以常伴姐姐妍妹（伍樂怡飾）左右。之雁吼準「理想黃蓉試鏡」機會力爭角色，高頭大馬嘅Tiffany意外古裝Look地嬌俏可人，而當中穿插已故藝人翁美玲《射鵰英雄傳》中「俏黃蓉」嘅畫面都係其中一個亮點，網民以落淚emoji作悼念外，留言：「可惜不在了。」、「天妒紅顏。」等，唔少人都表示睇到覺得有啲揪心。

{{hket:inline-image name="178.jpg"}}{{/hket:inline-image}}

已故影視界資深製作人王天林當年開拍《射鵰英雄傳》前，確曾辦「理想黃蓉形象」選舉為女主角黃蓉一角作公開招募，而當年負責協助試鏡嘅「郭靖」係林嘉華而並非黃日華。該個選舉活動共吸引了約3,000人報名參賽，最後四強個個猛料，包括翁美玲、黎燕珊、呂靜紅及已故藝人司馬燕。最終23歲嘅翁美玲勝出比賽，而佢飾演嘅「俏黃蓉」亦成為無法超越嘅經典。

另一邊，齊輕舟（丁子朗飾）及溫楚瑜（戴祖儀飾）嘅感情線漸趨浮面，輕舟得悉楚瑜偶像鄧麗君會到電視台錄音後，即二話不說將扮演「神鵰」嘅工作推給柳德榮（余德丞飾），情節插入已故藝人鄧麗君錄音真實片段。而之雁教德榮吹吹波糖及踩roller情節亦非常浪漫，原來Tiffany為了《不要臉》專誠學踩roller，更在短短數個月內進步神速，無論向前踩、向後踩或是轉彎動作均難不到她，獲教練大讚有天分。

圖片來源：大會提供