姜濤重返最令他自卑的母校 太肥仔唔敢除衫上游水堂

還記得男團MIRROR在2018年11月3日成軍，隨即展開第一次演唱會，創下香港歌手團體出道後最快（49天）舉辦演唱會的紀錄，同時殺入叱咤頒獎禮「我最喜愛的組合」最後五強，歌曲《一秒間》打入「我最喜愛的歌曲大獎」十強。成軍一年，12子曾經說過所有事情來得太快，團隊不足之處備受外界抨擊，他們一直從批評中學習，姜濤亦曾指「越得到多嘢，越要謙虛！」

同場加映：COLLAR出道12日即接飲品廣告代言 Day認混血兒 Candy投訴經理人拖糧？

{{hket:ul-video id="5171"}}{{/hket:ul-video}}

{{hket:inline-image name="46790712_736075716763798_3811405789308343607_n.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

姜濤早前推出個人紀錄片《答案》，第3集《答案 最終章》在昨晚播出。22歲的姜濤原來一直不喜歡自己的名字，「我啱啱入行，就同花姐講可唔可以改名？可惜已經嚟唔切，大家對呢個名已經定咗形。」出道短短3年，姜濤除了得到歌曲獎項之外，更連續奪得叱咤的「我最喜愛的男歌手」，他自有一番見解，「可能人哋睇我企喺好高峰嘅位置，但其實我係跌得好低，可能大家睇到相反嘅嘢……你睇到嗰個人同嗰個人內心所想係完全相反！所以千祈唔好太容易定義一個人。頭兩年都仲有比賽嘅光環，但到咗第3年攞埋個獎，自己畀自己嗰種感覺就會唔同，在乎嘅事會多咗，每個人講我唔好，我都會好執著，會諗埋啲好無謂嘅事，跟住越嚟越唔開心。」

姜濤發9字真言勸姜糖不要私追 「請真的給我一點空間」【下一頁】

成為「人氣王」之後，姜濤很難周圍去，在紀錄片片中逛逛商場的他，顯得十分雀躍，「我好開心，好耐冇嚟商場、行商場……幾咁奢侈嘅事。」一身黑色裝束、黑色帽子、深灰色口罩的他，除乘搭港鐵外，還坐了電車，他說：「我特登睇咗一段影片，點樣將存在感降到最低，條片話不妨做一個手勢，代表降低存在感嘅訊號……」

從人群中走過，前往母校，走進學校禮堂，姜濤指住台上說：「呢度係我第一次表演嘅舞台，嗰陣時上呢個台好緊張。」他說該校是帶給他「最嚴重自卑」的地方，「所有自卑，童年嘅唔自信，都係嚟自呢間學校。我唔係話呢間學校唔好，係純粹我喺呢度嘅經歷……喺呢度越自卑、越唔懂事，令到自己大個咗變得越嚟越懂事。」路經游池，姜濤透露以前太肥，所以從來不敢脫衣上游泳堂。

姜濤遺憾冇完整中學生涯 「內心深處有種唔順氣自己咁肥」【下一頁】

姜濤一直強調以作品說話，1月2日那天，推出新歌《鏡中鏡》，他表示最初是想表達自己在逃避及反抗，後來細想之下，覺得沒有意義，「出完歌又點呢？應該要搵個方法令自己堅強啲，承認自己內心有負面聲音，搵方法同佢哋共存……拍完呢條片，出咗呢首歌，我都有唔開心嘅時候，但起碼我知道有個方法可以抒發，我希望大家聽完一次，搵到自己答案就唔使再聽，你聽多兩次，如果仲搵唔到答案就繼續聽落去，咁就最好嘞！」

早霸王丨姜濤自爆貪靚照鏡先關心鼻毛 竟然鍾意睇鄉土劇減壓？【下一頁】

{{hket:inline-image name="35.JPG"}}{{/hket:inline-image}}

{{hket:inline-image name="36.JPG"}}{{/hket:inline-image}}

網民看過這段紀錄片後，亦有給姜濤留言，為他打氣，有人認為沒有人是完美的，成長就是在錯誤中反省、學習，這樣才會有進步；亦有人替姜濤開心，可以做一日普通人，「好開心你可以搭地鐵，行商埸，返母學，做一日普通人。亦都好欣賞你坦誠面對自己嘅內心世界，感恩有一個強大團隊，將你心中所諗嘅變成一件藝術品！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}