本港新冠肺炎疫情嚴峻，葵涌邨最為嚴重，截至昨日（26日）連同初步確診累計達334宗個案，3棟大廈仍在圍封強檢。一名確診的20多歲男住戶在網上發帖，指自己常健身，亦已打齊兩針復必泰，惟日前出現類似感冒病徵，至周日（23日）強檢時證實確診感染Omicron。同時，他又分享自己「中招」後的病況，更形容道：「嗰幾日真係人生（中）最辛苦！」
同場加映：
Sick問識答︳體質濕熱、飲食重口味易患濕疹 13種戒口食物＋4招紓緩痕癢
該名男住戶前日（25日）在網上討論區「連登」以「中咗omicorn, 你問我答」為題發帖，指自己平時常健身，並已打齊兩針復必泰。惟上周起出現類似感冒病徵，起初喉嚨有少少不適兼整個人發冷，
「發病嗰幾日就成身骨痛、發燒頭痕（註：應為『暈』）、發冷發熱、鼻水、口乾、咳、肚瀉。頭一兩日瞓咗成晚，一起身好似無瞓過咁，啲病徵仲重咗，坐喺度個人都好暈，瞓又唔太瞓到（鼻塞晒加喉嚨痛，同埋本身好難先瞓得著），全日就攤喺床眼甘甘，唞氣又唔係、吞口水又唔太得。」
至上周六（22日），因懷疑自己已「中招」，他落樓下接受強檢時，戴了兩個口罩、用衣服「包實」自己，並「搵紙巾掂所有嘢」。最終他翌日（23日）證實確診，當晚被送入北大嶼山醫院香港感染控制中心。入院後，他指自己沒有藥食，但相信如果問醫生就會提供，「千呼萬喚，畀咗啲喉糖、Vitaman C（維他命C） Panadol（必理痛）我......姑娘我望到佢哋都覺得佢地辛苦，佢隻眼啲紅筋爆晒出嚟，講嘢又無力，佢都話佢尋日剩係食一餐，戥佢哋辛苦，所有護士朋友都好值得大家respect（尊敬）。」
（↓點擊圖片放大↓）
他又指入院一晚後，翌日感覺很精神；但當憶述起初的徵狀時，「嗰幾日真係人生最辛苦嗰幾日，每一次吞口水，個喉嚨頂對落少少個位都想死，而家都仲係，但個感覺唔知係麻木咗定好返啲。最慘係瞓覺，你吸氣呼氣伴隨住就會吞口水，一吞就痛到X街，個人就醒晒。」對於網民「發燒感冒定呢隻辛苦啲」的提問，他坦言：
「緊係呢隻，平時啲發燒感冒一日好過一日，呢隻我瞓極啲病徵仲重，我以為自己無瞓過。」
至於為何會受感染，他指自己平日除了上下班，都甚少有朋友聚會，因此懷疑是搭巴士後買飯時受感染，「我覺得最大機會係早幾日有次搭巴士返屋企附近買飯， 買完飯返到去第一時間刷牙先（利申有洗手），除此之外諗唔到。」他指出，自己上上周日（16日）搭巴士，上周三（19日）、四（20日）開始有些喉嚨痛，至周五（21日）最嚴重，其後好轉。
此外，他又搞笑地稱，每位確診者都拖篋入院，但只有他「帶個背囊仔去野餐咁樣」，只帶了兩套衫；雖然可以讓親友送物資到醫院，但可惜家人全部在竹篙灣隔離，
「警世，要入嚟最好帶篋。」
而今次最令他難過的，並非自己受感染不適、剛開始的新工恐「凍過水」，而是令家人、朋友全被送往竹篙灣檢疫，
「最唔開心係，屋企人、同事、朋友全部一車車畀我搞到入竹篙灣，又無得過年，啲朋友生日個啲全部miss晒（諗一諗我自己個生日都無得見人）。生活得喺香港，都係唔好中，搞到晒身邊啲人個吓自己好sad。」
Omicron常見19種症狀
英國負責疫情追蹤應用程式「ZOE新冠肺炎病徵研究」（Zoe Covid Symptom study），早前整理出感染Omicron變異株的19種常見症狀，首5種症狀與感冒相似：
（↓點擊圖片放大↓）
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
每朝索取《晴報》：精明生活．健康家庭．開心娛樂
責任編輯：李凱晴