苑瓊丹擴充生意賣兩餸飯惠及長者 靠把口搵食：直播帶貨先係我正職

苑瓊丹（苑仔）於去年有超過大半年時間在內地工作，早前趁農曆新年前返港與家人團聚，預計過年後又匆匆到內地掘金。新年伊始，甚有生意頭腦的苑仔已滿腔大計，除了瞄準內地「帶貨直播」熱潮，更落實在香港做兩餸飯生意，賺錢之餘亦希望回饋社會，「我哋希望派飯畀啲公公婆婆，啲菜式仲要係有營養嘅，舖頭名我已經諗埋喇！」

同場加映：COLLAR出道12日即接飲品廣告代言 Day認混血兒 Candy投訴經理人拖糧？

{{hket:ul-video id="5171"}}{{/hket:ul-video}}

{{hket:inline-image name="skllme20220118120.JPG"}}{{/hket:inline-image}}

{{hket:inline-image name="skllme20220118113.JPG"}}{{/hket:inline-image}}

經歷9個月在內地風塵僕僕的苑仔，本月初終於返港與老公和家人團圓，馬不停蹄準備迎接新年。「過年好重要嘅傳統節日，一定要同屋企人過，就算要隔離21日，我都要返嚟。」苑仔指每年至少斥資6位數辦年貨，「使錢最多就係新年，太多嘢要買，臘腸、蝦子麵都買100斤，係買嚟送禮用，之後又要訂盆菜。新年我只係食盆菜，唔使費神煮咁多，但湯就一定會煲。」

苑瓊丹戰兢搞超市王國怕被搵笨 諗頭多多身家超越億萬富商老公【下一頁】

苑仔近年涉足不少生意，當中包括即食餸包，於內地更開超過100間牛雜店，今年銳意擴大其飲食版圖，「我之前已經想開舖做兩餸飯，疫情下大家少去街市，唔使自己洗切煮，幫輕好多家庭主婦，我老公都好鍾意食。我哋又可以送畀啲老人家食，煮啲有營養嘅，做好事。同埋我朋友知道邊到有平靚正嘅貨源，新鮮疏菜、肉類全部直送，佢哋負責菜式，我就負責宣傳，舖頭名我都諗好，叫『超原味』，我哋唔使做全港第一，但要做全港第二。」

（↓點擊圖片放大↓）

提到與陳浩民合夥的牛雜生意，苑仔透露受疫情影響而打亂了開分店計劃，「我哋好短時間已經開咗100間，本來想喺內地衝到去幾百間，點知遇上疫情衝唔到，窒住咗。（賣牛雜是否已賺了幾桶金？）冇桶！啲桶穿窿又漏……生意做大自然成本增大，都未分錢，儲住先。」牛雜生意漸上軌道，眼見內地「直播帶貨」利潤甚高，苑仔已經磨拳擦掌，「嚟緊會專注我嘅『直播帶貨』事業，之前最勁賣過幾百萬貨，我又好鍾意買嘢，又識買，又好識得講，試過一次講足十個鐘，去咗3次廁所！下次我要用成人紙尿片，廁所都唔去。」

在未來，苑仔直言「直播帶貨」才是正職，副業是拍劇拍戲，「呢個係我終極目標，仲有開舖賣兩餸飯，但要儲番一班fans先！拍劇拍戲人哋就知你係邊個啫，『帶貨』鬼知你係乜水？」對於李國麟、江華先後在內地「帶貨」失敗收場，苑仔坦言一半靠運氣，一半靠能力，「可能佢哋未熟悉技巧，或者觀眾冇關注佢，係要慢慢儲番嚟，心急冇用。」

撰文：倪小珊

攝影：林良明

場地提供：原味煮意、Lun廚與Din娜

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}