憑《倒轉地球》豬籠入水 陶大宇買衫唔再睇價錢

陶大宇昨日到花墟宣傳賀年歌《紅陶大宇喜迎春》，大宇表示新歌錄了一個下午便成功，亦很開心可以擁有自己第一首歌，他說︰「我戲劇作品就多，無諗過會有一首屬於自己嘅歌。我唔係唱家班，知道有不足嘅地方，但依家大家聽得開心就OK。」他又透露原定計劃在花墟拍攝MV，可惜因疫情肆虐而擱置，最後只能將錄音花絮剪輯而成。

談到有網民投訴歌中的招牌「噓」聲不夠多，大宇表示原裝版本沒有「噓」，是他提議加上去︰「我覺得呢個特色一定要有，係呢首歌嘅關鍵，希望『噓』呢一聲，開心嘅可以保持氣勢，唔開心嘅就噓走衰氣。」憑《倒轉地球》帶挈豬籠入水？大宇直言︰「無特別去計。（買禮物獎勵自己？）我架車揸咗十幾年都無換過，唔會一手鬆就身痕，不過以前買衫要先睇價錢牌，依家就睇靚唔靚，可以長期係咁都好幸福。」

攝影︰林良明