由森美、小儀和Marco主持的商台節目《早霸王》，每逢星期五環節「你知唔知道有人掛住你？」都為聽眾打電話給另一半，不論是示愛、和好、和解等都有。去年11月，聽眾Ray想向一位相識兼暗戀廿多年的女生Suki表白，Ray稱曾與對方雙雙去日本旅行同房兼混浴，但最終都未有任何事發生。Ray希望在女生準備移民之前，來一個終極表白，沒想到森美為他打電話給對方時，才得知該女已婚3年，森美不禁慨嘆：「愛要及時。」
同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲
早霸王│森美為聽眾向暗戀廿幾年對象表白 聞女方已婚尷尬收場：愛要及時【下一頁】
事隔兩個月，今日Ray再次致電到《早霸王》交代近況，他直言：「森美話得我啱，不斷錯失機會好戇居……節目出街之後，我瘋狂被人DM（私訊）同短訊我笑我，問我：『幾時同我混浴呀？』咁，身邊同事都笑我，就係有一個熟悉嘅人不斷安慰我。而呢個女仔係我中學時代嘅初戀嚟呀！」幾位主持人都興奮尖叫，不過就笑Ray為何長期不斷留戀過去，Ray重申這位初戀女生並不是「水泡」或者「代替品」，森美說：「咁多人之中，你都兜轉重遇番你最愛嘅初戀，就係最浪漫嘅緣分。」
Ray直言自己告白失敗後，陷入情緒困擾，「我成個人好Down，因為成件事好突然，我咁鍾意一個人，竟然唔知佢結咗婚三年，懷疑自己係咪好失敗呢，呢個女人幫我離開呢個唔開心嘅回憶，帶我出去行山食飯。」Ray指女方一直收藏他所送的親手織頸巾，但他告白完後又沒有下文，最後森美決定為他打電話給女方正式表白。
早霸王丨森美電台節目no show人間蒸發？ 小儀開咪提供「最後露面」衣着尋人【下一頁】
女生阿晴（發音）接過電話，沒想到Ray突然表示自己已經在對方公司樓下，Ray不止表白，更直接向對方求婚，他說：「我知你以前嫌我唔夠成熟，我而家變成好成熟嘅男人，有負擔，想你畀個機會我，做我老婆，我真係好想將來好好照顧你，好想令你有幸福！」最終女生答應Ray，三位主持人都興奮歡呼恭賀，並播出《小幸運》來祝賀他們，非常感動。
森美接受《晴報》電話訪問，「今日真係感動，起初佢之前試過好多年都冇表白，結果個女仔結咗婚，錯過咗自己嘅愛。最浪漫嘅係一直有一位默默愛佢嘅初戀情人，喺佢身邊支持佢，呢件事本身已經夠浪漫。佢本身冇話我哋知求婚，一心以為佢只係示愛，點知突然求婚，我都老懷安慰。因為對上一次我係教訓佢愛要及時，今次竟然仲快多一步，直頭求婚添！終於把握到！希望大家今年都有情人終成眷屬啦！」問到森美有否擔心今次再一次「食檸檬」，他笑言主持這種愛情節目一段時間，經常都發生峰迴路轉的事，反而最怕是沒有驚喜！
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉