落選港姐黃婉恩（Yancy）早前被爆搲完免費享用下午茶餐後，沒有兌現承諾出IG posts兼玩「消失」，令餐廳公關大為不滿。昨日，Yancy以無綫娛樂新聞台記者身分採訪《馬時亨名人堂》節目錄影探班，節目主持馬時亨邀請到殿堂級歌手林子祥（阿Lam）受訪，可惜Yancy的訪問錯漏百出，竟然稱呼錯馬時亨的名字，更明顯沒準備，連環失禮於人前。
同場加映：COLLAR出道12日即接飲品廣告代言 Day認混血兒 Candy投訴經理人拖糧？
落選港姐｜黃婉恩右腳斷韌帶都要呃like 化妝報平安醫院打卡網民鬧作狀【下一頁】
在無綫娛樂新聞台的直播片段所見，昨日活動先由報紙傳媒訪問，再到無綫娛樂台採訪，Yancy率先向兩位講解一部是直播、另一部是錄影的攝影機，不過她一開口就講錯說話。
黃：Hello兩位好，都想知道今日馬善行（音繹）邀請呢...
馬：馬咩？
黃：馬—事—行！（音繹）
馬：唔係，唔係，講錯名呀！你連名都講錯！哈哈哈...
黃：嗯...馬生你好
馬：你講錯名，所以一定要Cut咗再嚟過
黃：冇問題冇問題
(訪問重來）
黃：兩位好，想知今日馬生點解會邀請阿阿阿阿阿...特別嘉賓嚟嘅？
雖然馬時亨沒有太介懷，只是簡單糾正她，但訪問重新開始時，Yancy「阿」足幾聲都講不出「林子祥」或「阿Lam」這個名字，到底是嚇親定係冇做功課？Yancy隨後問來問去都是「大家會唔會講打波故事呢？」、「除咗分享唱歌經驗，會唔會分享大家嘅故事呢？」、「會唔會回味以前嘅事情？」等等，問題不斷重複，幸好兩位經驗老到，令訪問正常進行。
後來Yancy如常要求進行普通話訪問，馬時亨笑言自己普通話不靈光，交給阿Lam為主講，沒想到Yancy的普通話更「出色」。Yancy開口第一句：「為甚麼今天在這裡呢？」就交波給兩位，連阿Lam都忍不住大笑幾聲，然後他收起笑容繼續訪問，Yancy後來將「訪問」講成「訪悶」，將「有沒有」講成廣東話「有冇」，將「演唱會」講成「煙嗆會」等等。連環失禮事件簿，訪問完畢後，在直播片段所見，Yancy未有向馬時亨和阿Lam作出道歉。值得一提的是，馬時亨是無綫高層曾志偉的表哥，未知Yancy今次會否打入冷宮？
【港姐2020】黃婉恩辭銀行工作宣布加入無綫 落選佳麗爭住簽TVB做「筍工」？【下一頁】
Yancy自《2020年度香港小姐競選》落選後，放棄銀行工簽約無綫，獲安排到無綫娛樂新聞台擔任採訪記者，主要採訪娛樂圈的活動，訪問藝人等等，加入已經長達1年時間，沒想到表現仍然「麻麻」。而早前餐廳公關林柏希在網上不點名式狂轟有位落選港姐呃飲呃食，答應享用完下午茶Set之後會拍照出Po鳴謝作宣傳，不過竟然「走數」冇做，彈弓手出完Po即隱藏，又將「主菜」下午茶影到朦朦朧朧，不尊重餐廳。事後火速被網友揭發該人正是Yancy，她沒有正面回應事件，只是將她當日歎下午茶的照片「重生」放在IG「補鑊」。
Yancy參選初期已經被踢爆是何君堯姪仔Bosco的女朋友，不過她開始面試之後，就立即將IG的合照全部刪除，而Bosco未知是否怕被起底，將IG戶口封鎖不作公開。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉