虎年新計劃︳森美被囡囡激發再搞歌劇團念頭 「一年之後就可以畀佢睇」

森美現時養有一對玩具貴婦狗Gengar和Oreo，今個年廿八親自幫牠們洗邋遢、扮靚靚，乾乾淨淨迎接新一年。森美封牠們為「搵利是發財狗」，皆因他成功訓練狗狗搵到收藏起來的利是，更成為農曆年在親朋戚友面前的表演之一；而收到的利是錢會撥入狗狗的基金，用作購買零食、玩具及日用品。

同場加映：虎年快樂丨許家傑林淑敏被拍檔問題考起 送水輝自爆龍躉 大小姐嘲夠擺兩圍開年

{{hket:ul-video id="5211"}}{{/hket:ul-video}}

{{hket:inline-image name="4f57a87f-9e4d-4402-abf9-9ca4f776806e.jpg"}}{{/hket:inline-image}}

{{hket:inline-image name="5a834183-bd78-4e72-b7f0-0e04778d2163.jpg"}}{{/hket:inline-image}}

森美表明新年會畀利是Gengar和Oreo，就算家人認為牠們不懂亦會照派，因為他已教識狗狗玩小遊戲，新年時可在親朋戚友面前表演，「其實係好簡單，將啲零食放入利是封入面，佢哋就會成日去搵利是，係非常之好玩，可以玩呢個利是尋寶遊戲，仲成為農曆新年其中一個活動，喺親戚面前表演，話佢哋就係搵利是發財狗，哈哈哈，會叫大家畀封利是我，然後我就放啲零食入去再搵地方收埋，等狗仔搵到利是就歸佢，可以𠱁客人畀多啲利是。（新年會帶狗狗去拜年？）會，因為親戚朋友都有狗仔，帶佢哋出去見吓其他狗仔，加上佢哋係狗媽媽生多咗，我哋就領養番嚟，呢幾年其實好想帶佢哋去見番爸爸媽媽，但疫情關係見唔到，希望之後有機會見得到。」

{{hket:inline-image name="332f0721-1b34-4a16-8ffd-b17a40ecb955.jpg"}}{{/hket:inline-image}}

{{hket:inline-image name="33ce1a5b-979a-4ed5-9414-4f2161ad2d26.jpg"}}{{/hket:inline-image}}

森美3年前收養一對黑色Poodle 靠毛孩成青春期子女溝通橋樑【下一頁】

至於愛犬收到的利是用途，森美坦言不會自己落袋，而會存入狗狗的基金內，「收到嘅利是錢都會用嚟買零食同玩具，存入狗狗嘅零食基金、玩具基金，買番日用品，譬如狗帶、狗繩或者新衫，不過新衫就少啲，因為佢哋鍾意食嘢多啲。（除逗利是還會帶狗狗行大運？）佢哋唔係咁鍾意坐車，坐車會有啲暈，可能因為唔係大狗關係，大狗可以望出車窗會好啲。懷疑狗仔坐車會暈暈哋，唔夠高望出車窗，通常一上車就瞓覺，所以帶狗仔行山較多，行大運就選擇去行山，成日會帶佢哋『龍騰虎步上獅山』，而近期一次行過飛鵝山，總之容易行啲嘅山都會去。天氣熱佢哋就好難散熱，而家秋涼時間最啱行山，我亦都測驗過，佢哋可以行到10公里路。」

（↓點擊放大睇圖片↓）

踏入虎年，森美表示疫情之下不會想太多，工作可遇不可求，以平常心去面對，並未有特別去計算新一年要如何，暫時會做《聲夢傳奇》第二輯的主持，無綫早前已搵他傾談過。不過世事無絕對，森美與小儀於2001年創立的《森美小儀歌劇團》，連續玩了10年後休團，容祖兒、梁漢文、古巨基、鄭伊健及張敬軒也曾參與過。森美日前在家同女兒Charisse唱歌時，被燃起再搞歌劇團的火，「新一年唯一一個工作想諗，就係喺屋企同個囡唱歌，我講起點樣唱歌跳舞，佢反問我識得跳舞咩？我話『係呀，做過歌舞劇，都做過10年，又唱又跳。』，跟住佢就話『吓，跳舞？』，我就講笑話『你以為剩係MIRROR先識跳舞？我都識㗎！』，我就諗又係喎，佢懂性之後我冇再搞歌舞，佢冇睇過我喺台上表演歌舞。我係毫無念頭再做歌劇團，突然被佢燃起心中嗰團火，可能係疫情未開始之前排練，估計疫情可能一年之後就冇，一年之後就可以畀佢睇，我都可以唱歌同跳舞嘅，係呢幾日突然發起嘅大計。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}