K11 MUSEA化身英式莊園宅邸 「巨型草莓」迎春

農曆新年過後，大地回春。黛安收到風，尖沙咀K11 MUSEA即日起至2月底，將化身英式莊園宅邸「the HOUSE OF MUSEA」，畀大家喺香港都可以感受到英倫春天氣氛。

the HOUSE OF MUSEA透過用玫瑰、繡球花、飛燕草、薰衣草及牡丹鋪成花路同架設籬笆，塑造如詩似畫嘅莊園景象；而K11 Kulture Academy亦會舉辦一系列趣味活動，遊園時彷彿置身英國一樣。

除咗莊園外，今次仲會有草莓陪大家一齊迎春，例如中庭Opera Theatre及Gold Ball，將展出由南韓藝術家Stickymonger創作嘅巨型草莓藝術裝置，11間商戶亦會各自推出以時令草莓製作嘅主題美食，由溫布頓網球錦標賽必備嘅傳統甜品、新鮮焗製糕點到特色咖啡都有，梗有一款啱你口味，黛安都想去感受下氣氛啊。