李治廷返港過年享受「母親的味道」 家姐完全唔似樣網民懷疑調錯嬰

現年34歲嘅李治廷2009年出道時就因為俊朗嘅外形而備受關注，有馬來族、阿拉伯裔及華裔血統嘅佢有深邃五官，更加有小王力宏之稱，風頭一時無兩。

同場加映： 娛樂 • 「七線人棄王」被嘲奀星拍片自救 「好想搵機會演戲 自己過咗癮先」

{{hket:ul-video id="5243"}}{{/hket:ul-video}}

2015年李治廷於《武媚娘傳奇》飾演唐高宗李治皇帝一角大受好評，於內地人氣急升，更因此成為華鼎獎古裝視帝；又獲邀參演內地真人騷旅行節目《花樣姐姐》，工作重心完全轉移到內地，好少返香港。不過近日佢就返嚟同家人度歲，原來佢已經2年冇同家人食開年飯，李治廷喺社交平台post相兼留言：「终於回香港了！遲到了2年的開年飯。好久沒吃老媽做的飯了。」唔少內地網民都大表心痛，為咗工作咁耐都冇得享受「媽媽的味道」，又大讚李治廷媽媽煮得一手好餸，睇見都流口水呀！

{{hket:inline-image name="67203426_420400041896380_1553766363905590904_n.jpg"}}{{/hket:inline-image}}

另外，亦都有人將焦點落咗喺李治廷嘅家姐身上，唔少人都話家姐生得比較成熟，而且身材圓潤，幾乎分唔到佢係家姐定係媽媽。其實李治廷姐姐幾乎每次出鏡都會引起討論，事關佢同李治廷實在係太唔似樣，網民留言：「兩姊弟係唔係親生？」、「真係少少都唔似，會唔會係調錯嬰？」、「真係好少見可以一啲都唔似」、「會唔會同王力宏先係親兄弟？」

其實除咗家姐之外，李治廷哥哥都係另一個樣，幾年前李治廷哥哥舉行盛大婚禮，唔少名流都有出席，名媛寇鴻萍亦有以盛裝到場。相中所見李治廷身穿黑色晚禮服，天生明星相嘅佢搶盡眾人目光，相比之下哥哥長相普通，唔講真係以為李治廷先係主角。

其實，李治廷曾經喺訪問中提過自己嘅家庭比較複雜，爸爸同媽媽都係帶住子女再婚，阿哥係同父異母；而家姐就係同母異父，咁就可以解釋到點解佢哋係三個完全唔同嘅樣喇！雖然李治廷同家姐阿哥唔係同父同母所生，不過感情就好過好多兄弟姊妹，同家姐以前仲不時被影到一齊陪媽媽行街，兩個都好有孝心呀！

撰文：黃蘊姿

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】