鐵拳英雄︳敖嘉年勾結外人阻華僑社救福妹 初拍劇唔識睇劇本全靠前輩教路

敖嘉年於劇集《鐵拳英雄》中飾演金家長子金耀龍，為人囂張跋扈又自私自利，害同父異母妹妹金福妹（姚子羚飾）染上毒癮，爸爸金龍（歐瑞偉飾）倒台即偷錢走路。昨晚（7日）講到他為求自保，竟然無人性加入殺父仇人陣營，甘願成為彭堅（張國強飾）的走狗，大爆福妹同連棘（陳山聰飾）的關係，阻止華僑社救福妹的計劃，又被安排成為唐仁街的總警長，在警局內牽制連棘，敖嘉年的角色可謂極之乞人憎，睇到觀眾咬牙切齒。

同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你

{{hket:ul-video id="5201"}}{{/hket:ul-video}}

{{hket:inline-image name="02081002.jpg"}}{{/hket:inline-image}}

{{hket:inline-image name="02072003.jpg"}}{{/hket:inline-image}}

敖嘉年今次演大反派很到位，演技令人信服，其實他入行已逾20年，初入行時是不懂睇劇本，被身邊同事又鬧又話。日前他接受《音樂旅情》楊紹鴻訪問，透露當年得到前輩苑瓊丹、陳浩民及張兆輝等教路，從中慢慢學習，繼而獲得外界讚賞，成為飛躍進步男藝員，還成為劇集男主角。

【中佬再出發】古明華敖嘉年環境改變不了初心 「時間會帶你渡過所有難關」【下一頁】

敖嘉年當年經洪朝豐介紹到無綫試鏡，結果由主持節目做起，一步一步成為幕前藝員，「珍姐（曾勵珍）問我『過嚟拍劇！』，拍劇？拍咩劇？我連劇本都唔識睇，又無讀過訓練班，佢話『得㗎啦，過嚟拍啦！』…慢慢又被人話吓鬧吓，被燈光師話吓，被人鬧住長大。其實無得你驚，你埋去就要拍，被人鬧得多就唔驚。」他首齣劇集《封神榜》（2001年）就是飾演木吒，「我揸住個劇本，見對白印有個三角形符號，就走去問導演要唔要讀埋三角形嗰啲對白，導演就望住我話『你真係唔識？』，我真係唔識，於是好多前輩教我，苑瓊丹、陳浩民佢哋就教我點點點，慢慢從中學習。好感恩有咁機會喺裏面成長、學習，否則今日咩都唔識。」

【是敢的】敖嘉年曾遇冷嘲熱諷被指「茄哩啡」 靠「伯樂」李添勝及太太捱過低潮【下一頁】

至於有否想過拍劇出名？他說：「嗰時無諗咁多嘢，你有得做就嗱嗱聲畀心機做，唔會諗紅唔紅，有無得登台，唔瞓覺都做，而家知道拍劇有幾辛苦，但嗰時唔覺得辛苦，就算好眼瞓都起身返工，我哋所有TVB藝員都係咁捱出嚟。（第二套劇？）係張乾文監製嘅《無頭東宮》（2002年），開始知道點樣處理角色，係叫有啲皮毛…，監製想我試兩個角色，性格一黑一白，我覺得白嘅好好玩、好畀心機，試黑嗰個就做得中庸啲，最後搵咗我做白嘅角色，當時真係好開心。張兆輝大哥亦教我好多嘢，佢喺入面做我父皇，好開心自己角色幾重戲分。」

（↓點擊圖片放大↓）

直至2014年同薛家燕姐合演《新抱喜相逢》，敖嘉年才正式擔正，「咁多年都做過好多唔同角色，做過智障、邪教教主等唔同角色，作為演員係幾開心一樣嘢。個個都話我做好多奸角，其實我都做好多正派角色，例如排骨仔（2010年《義海豪情》），又做過好多警察角色。（介意做奸角？）唔介意，喺《巾幗梟雄》（2009年）做『必文』角色，攞到第一個獎，飛躍進步男藝員。（覺得哪套劇開竅？）應該係《碧血鹽梟》（2009年），都係添哥（李添勝）做監製，佢叫我覺得點做就做，由我發揮，我聽到佢咁畀信心我做，係我玩得好癲嘅一套劇，出嚟聽到好多人讚賞，之後開始捉摸到我本身特式係點樣，覺得演員係要有自己特式，唔係去點樣抄人，學人點做，而係自己發掘嗰樣嘢至重要。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}