晶女郎被踩工業痕跡重「每況愈下」 王晶力撐讚雲千千有關之琳影子

由王晶執導《倚天屠龍記之九陽神功》和《倚天屠龍記之聖火雄風》相繼上映，由林峯、文詠珊、邱意濃及雲千千主演，電影喺網上負評如潮，其中兩位女主角邱意濃及雲千千更加被指面上過度「加工」，氣質拍馬都追唔上舊時嘅小昭同周芷若。不過王晶就力挺兩女，仲拎出90年代幾位女神相比，引起大家更大反響。

同場加映：「七線人棄王」被嘲奀星拍片自救 「好想搵機會演戲 自己過咗癮先」

{{hket:ul-video id="5243"}}{{/hket:ul-video}}

其實電影播出嘅時候已經有網民喺王晶微博留言，指邱意濃及雲千千「整容臉」，王晶喺微博為佢哋抱不平，留言鬧觀眾三十年都冇進步：「今日被視為女神的舒淇，邱淑貞出道之時，知道是甚麼評價嗎？邱淑貞小時候在樓梯摔了一交，下巴碎了，做了手術，在選港姐時被對手誣陷整容，被迫退賽，但仍不斷被人叫「整容臉」，紅了之後仍不斷有些咀賤之人叫「假下巴」。到了今天，就變女神了。生個女兒都那甚漂亮，整甚麼容？舒淇來時偏黃黑，與利智，關之琳，劉嘉玲完全不一樣。」佢指當時更有人話舒淇似ET，自己當時都好嬲，但舒淇而家已經係一代影后，曠世女神。

{{hket:inline-image name="1211055018_16150988941851n.jpg"}}{{/hket:inline-image}}

王晶更話兩女正係行緊同一條畀人批評嘅路：「到今天，荳蔻年華，清純可人的雲千千，婀娜多姿，媚在骨子的邱意濃出道，居然又遇上一樣的賤咀俗人講三十年前一樣的話，甚麼網紅面，甚麼長一樣云云，敢放張照出來，看你又有多美嘛？有這些話，我放心了，這就保證邱，雲二人巳然走上女神之軌跡。咀賤之人，未來卻只有一條肥醜大媽之路。」

不過網民就對佢呢個講法完全唔收貨，又cap出兩女喺電影中嘅「炒車」表情，留言：「整成這樣，王導你自己都看不下去了吧。」、「你是不是被豬油蒙了眼？」、「工業痕跡太重，還是懷念當年的晶女郎。」、「和之前的晶女郎有點差距。」

不過王晶就一於少理，繼續你有你鬧，佢有佢講，日前佢又再撰文：「看到不少網民說雲千千有關之琳的影子，恍惚看到當年合作《至尊無上》及《整蠱專家》時的Rosemund（關之琳）」。到底似唔似，社會自有公論啦！

圖片來源：微博

撰文：黃蘊姿