感恩飯盒

今年年初七是開工好日，開年飯當然也定在那天吃，所以一早已訂了枱。為了保持衞生，準備了大量消毒用品到時用。豈料新年期間疫情突然變得嚴重，每日都有數百宗確診個案，只好臨時改變計劃。

開年飯不能不吃，但又要食得安心，點算？立即打電話給七福酒家文姐請她安排，當日中午就拿到一批飯盒。開年飯食飯盒？沒錯，但此「飯盒」非比尋常，釀蟹蓋、蝦球和燒鴨等菜式應有盡有。分開一盒盒，不用自己分菜更加衞生。於是，每個同事拿着飯盒回自己的座位吃。

大家也不只是低頭吃飯，而是一面傾偈一面食。

「釀蟹蓋好好食！全個都係新鮮蟹肉！」

「我覺得蝦球整得好，炒得好爽，睇到師傅工夫！」

「菜心睇落簡單，但煮得好味就一點都唔簡單！」

同事反應都十分好，食物完全無因為外賣影響質素。另外，大家也閒談新年間的生活。同事都盡量留家，減少出街。見到有屋邨要強檢，大家都好慶幸自己住的地方無事。新年天寒地凍仲要排隊檢查，真係唔好講笑。

食完，好飽！好正！如果可以，當然最好可以親身去七福食一大餐，不過疫情之下，有飯盒安心食住先，感恩！

（本欄逢周五刊登）