石修與太太Maria愛足55年零緋聞 曾暴跌30磅靠秋官帶住學氣功康復

74歲的石修近日接受車淑梅電台節目《舊日的足跡》訪問，大談與太太Maria的愛情故事，兩人拍拖8年後結婚，現時結婚47年，相愛55個年頭的感情，絕對不容易。他表示多年來感激太太對他的信任，在工作上給予無限的信任。

同場加映：鐵拳英雄丨鄭世豪等足廿年終成正劇男配角 全心全意做演員：艱辛但美滿

{{hket:ul-video id="5277"}}{{/hket:ul-video}}

十月初五的月光｜石修74歲生日大曬童年照慶祝 獲囝囝陳宇琛封「超級英雄」【下一頁】

{{hket:inline-image name="shek2.jpeg"}}{{/hket:inline-image}}

{{hket:inline-image name="shek.jpeg"}}{{/hket:inline-image}}

入行 66 年的修哥赢得「零緋聞」美譽，自言全因懂得抽離。「如果拍戲唔投入，尤其係感情戲會格格不入，有陣時我都會踩界，係思想上踩界。通常劇情都會慢慢發展，一定會（對對方）產生好感，觀眾都希望你哋有呢種感覺，睇落先會舒服。一套戲最短20集，要拍兩個幾月，（同對手）日日對住多過返屋企。 我承認我心思上會踩界，對於唔少對手我真係有呢種感覺，火花係會燃燒，但當第二套劇出現嘅時候，（呢種感覺）又會淡化。不過我識得返屋企，當我入到屋，呢個思維就會自動消失，我慶幸自己能夠冷靜處理。」最近在電視劇中與米雪合作，觀眾大為受落。他感激劇組有此安排，可惜他和米雪在劇中的感情最終沒有結果。他透露最近和米雪拍攝一套有關粵劇的電影，兩人在戲中結局有拖手。「同雪姐合作好開心，大家都好有經驗、默契。佢好準時，好照顧到成個現場嘅氣氛。我希望多啲同佢合作，對於呢啲『密切接觸者』我當然會介紹畀太太認識。不過其實雪姐一早識得我太太Maria，冇問題，佢好放心。」

談到與太太的往事，修哥說：「佢係新界校長個女，我19歲佢14歲，嗰時佢唔知我拍戲。有次我同森森拍《聰明太太笨丈夫》，講我走私俾老婆追到去彌敦道，著住條底褲喺的士落車。嗰度人來人往撞啱女朋友放學，佢見到我著住底褲跑來跑去，先至知我拍戲，佢冇嬲，只係笑我著底褲通街走。」

十月初五的月光︳與石修相隔33年再合作鬥凍齡 米雪直接向薛家燕取經笑拍檔笨【下一頁】

修哥多謝太太照顧家庭，又為他誕下兒子。他憶述1979年兒子出世時，他正在拍《絕代雙驕》，飾演花無缺一角。當時他正與黃元申飾演的小魚兒決鬥，醫院突然來電指兒子已出世，他即時奔往法國醫院： 「我將架車停咗喺接待處門口，一開車門就飛上三樓產房，我當時成身古裝，冇坐電梯，嚇到樓梯啲人問 點解見到個白衣人飛上樓。到而家我都好感激醫院，幫我拍好架車。其實我要感謝嘅人仲有好多，當然有秋官鄭少秋。當年我胃炎暴瘦，由150磅跌到120磅，秋官好關心我，話知道九龍仔公園有個太極師傅，佢話同我一齊去學，第二朝6點幾，佢已經係九龍仔公園個亭等緊我。佢真係好有心，陪咗我兩個星期，仲鼓勵我繼續學落去，後來我真係好返。我冇見秋官冇十年都有八年，上次合作喺2006年。至於黃元申，我都有掛念佢，後來我去台灣拍戲，佢喺台灣住，我哋見過面，冇幾耐就聽到佢出家，到而家都冇見面。」

談到兒子陳宇琛已經結婚5年，修哥笑言不心急抱孫。適逢情人節及元宵佳節，修哥表示：「所有屋企人都係我嘅情人，新抱都係我情人。太太應該都幾滿意我，因為佢係屋企嘅財政管理員。我工作得嚟嘅係零用錢，太太全權負責（財政）係我對佢嘅信任。我不足嘅地方就係唔識送花同小禮物。我話『你嫁畀我，唔喺為咗嗰朵玫瑰花，我成個人都畀咗你，如果你需要，我可以將自己包起，紮隻絲帶蝴蝶行過嚟，哈哈哈！』大家日日都係快樂情人節。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}