【聲明】港生活網站並無進行電話推廣活動

傳馮盈盈無份拍《逆天奇案》續集 陳展鵬︰一切等通知先

發佈時間: 2022/02/15

由陳展鵬、林夏薇、馮盈盈等主演的《逆天奇案》,榮登去年無綫最高收視劇集,監製劉家豪日前宣布原班人馬開拍續集,惟有傳盈盈被公司掟入雪櫃,無緣參與續集。展鵬昨日表示未收到通知開工,但不相信盈盈無份拍攝。

陳展鵬、唐詩詠、陳山聰及姚子羚等昨日宣傳劇集《鐵拳英雄》,談到馮盈盈被飛出《逆》劇續集一事,展鵬表示︰「連我自己都未收到消息,可能我都被飛呢!或者只係客串,一切都係等通知先。」盈盈是否被雪?展鵬說︰「係咪佢之前太忙?我見咩戲都有佢喎,又拍綜藝節目又拍廣告好忙,不過女仔都要多啲休息,如果唔係好易殘。」

另外,昨日是情人節,展鵬指原要拍攝新劇《隱門》,但臨時取消,可以回家跟太太單文柔二人世界。他自言以往送花,會被太太嫌棄無新意,他透露今年會親自下廚,為太太製造驚喜,他笑謂︰「唔鬧交都係驚喜嚟嘅,今年考慮整下鹿尾巴、當歸、參茸呢啲。」而唐詩詠自言情人節活動就是在家中跟兩隻貓「大戰」,問她可有人追求?她即推說疫情下減少出街,是最平靜的一年,會耐心等候Mr.Right出現。

山聰禁子羚跨家庭聚會

同場的山聰亦慨嘆,在疫情下難以慶祝節日︰「本來諗住代囝囝送花畀太太,但太太話唔好,佢想環保啲同慳錢,留番啲錢買餸,所以我會親自煮羊架同開枝靚紅酒。」

至於子羚就笑稱自己的情人便是家中愛犬︰「佢永遠都係第一位,我同胡定欣都有講起情人節,單身嘅人係會難捱啲,但我哋兩個都習慣咗,單身都無問題,都可以好開心。(你係單身?)我今日(昨日)係單身,情人節你哋就放過我啦,希望下年情人節有個情人陪我過,否則我就要打擾山聰。」惟山聰即時落閘,指現時禁止跨家庭聚會。

採訪︰Pauline

美術︰梁政敏

攝影︰林良明

傳馮盈盈無份拍《逆天奇案》續集 陳展鵬︰一切等通知先

單文柔趁着情人節放閃,非常甜蜜。(IG圖片)

傳馮盈盈無份拍《逆天奇案》續集 陳展鵬︰一切等通知先

山聰跪地送花予子羚。