《超級無敵追女仔》首度穿泳裝 陳彥行擺甫士生硬被導演照肺

由張慧儀、廖子妤主持的香港開電視節目《曬ya馬拉moi》，今周邀請到陳彥行（行姐）擔任嘉賓。張慧儀認為吃東西是最好的減壓之道，無奈在疫情下未能回到馬來西亞，十分掛念馬拉的家鄉菜，如今只好透過美食片段觀賞家鄉菜，實行「睇咗當食咗」。

張慧儀與行姐老友鬼鬼，行姐在節目中透露當年跟張慧儀、舒淇等合作拍攝電影《超級無敵追女仔》，眾人以泳裝上陣拍攝海報，但原來當時是行姐首次在鏡頭前着泳裝，故表現得十分生硬。她解釋︰「呢次拍海報係我處女之作，但我現場見其他人個個都好純熟，惟獨我好尷尬，唔知擺咩甫士，成個人好生硬，結果張海報出嚟之後，導演都有搵我『照肺』，被佢話『你睇下佢哋幾個啲甫士幾自然，你勒得自己太緊喇。』咁無辦法啦，惟有寄望下次，點知等來等去都等唔到下次，哈哈！」