《第四十屆香港電影金像奬》今日舉行記者會，宣布今屆的提名名單，其中以《智齒》獲得14項提名稱霸，而話題十足的《梅艷芳》和《媽媽的神奇小子》同樣有不錯的成績。影帝方面，林家棟分別憑《手捲煙》和《智齒》兩部電影入圍，而85歲的謝賢在《殺出個黃昏》的演出獲得一致好評，同樣是獲獎大熱，兩人將會跟《媽媽的神奇小子》的梁仲恆和《濁水漂流》的吳鎮宇爭「最佳男主角」一獎。
同場加映：鐵拳英雄丨鄭世豪等足廿年終成正劇男配角 全心全意做演員：艱辛但美滿
85歲謝賢超不離頭笑到四萬咁口 謝霆鋒謝婷婷冇影由佢「盡孝」【下一頁】
謝賢回應入圍的消息，他表示︰「我嗰時入行未有金像獎，到有嘅時候，我又減產，以為三年前得到『終身成就獎』，終身？冇喇？點知今年有機會有提名，電影就係咁神奇，我要多謝田立秋（其扮演的角色），多謝蔡鳳『馮寶寶』一齊殺出個黃昏。更加要多謝觀眾支持《殺出個黃昏》呢一部咁有心嘅電影！ 」而吳鎮宇回應︰「多謝多謝大家！會繼續支持香港本地電影、同新導演合作！」
在電影演活蘇樺偉故事的梁仲恆表示︰「多謝導演Jimmy（尹志文）信任，有好多時候我覺得佢信任我仲大過我信任自己。多謝君如賞識，畀我一個寶貴演出機會。感謝偉仔、蘇媽用自己人生成就呢個故事，佢哋係真正hero。希望《媽媽的神奇小子》喺逆境中帶畀香港人鼓舞。」
古天樂憑《梅艷芳》獲提名最佳男配角，古天樂回應︰「《梅艷芳》對我同好多人嚟講都係一部紀念梅姐、意義重大嘅電影，所以憑呢部電影獲提名『最佳男配角』獎，我感到特別開心同榮幸。另外真係希望喺大家同心協力下，香港疫情快啲緩和，各行各業盡快回到正軌，祝大家身體健康。」
電影《梅艷芳》丨梅啟明評王丹妮演出只有50分 遺憾沒有梅媽一角感失真【下一頁】
影后方面，同樣由不同年代的演員爭奪「最佳女主角」寶座，分別有 《馬達‧蓮娜》的周秀娜、《梅艷芳》的王丹妮、《智齒》的劉雅瑟、《媽媽的神奇小子》的吳君如和《奪冠》的鞏俐。王丹妮「起雙飛」分別入圍「最佳新演員」和「最佳女主角」，更要挑戰國際知名的鞏俐爭影后，絕對是越級挑戰。她回應時表示︰「首先非常感恩，同多謝投票嘅咁多位，多謝金像獎，畀我有呢個機會獲得提名，自己好開心，冇估到有兩個提名。呢齣電影令我學到好多嘢，感謝團隊，我覺得提名係有佢哋才有我，我會繼續努力。無論結果係點，我都好感恩，好多謝觀眾們支持，我會繼續努力，喺演藝路上拍更多好戲畀大家睇。」
吳君如稱知道《媽媽的神奇小子》入圍９項提名時，特別是入圍「最佳電影」，她興奮到爆喊，直言︰「我半隻腳踏入咗幕後，今次對我而言係一個好大嘅鼓舞。我喺1999年拎到第十八屆金像獎『最佳女主角』獎，之後都有提名過但冇拎到獎。隔咗廿幾年，我話畀大家聽我好恨攞，希望繼續我嘅神奇之路！」
而憑《馬達・蓮娜》競逐「最佳女主角」殊榮的周秀娜表示︰「可以入圍已經好開心，入圍金像獎對我嚟講係好有重大意義。因為電影拍攝時適逢疫情，近日香港又係疫情爆發，好艱難，聽到入圍呢個消息令自己心情都有啲唔同。」
《第四十屆香港電影金像奬》19個獎項入圍單位如下︰
最佳電影提名
1.《怒火》
2.《梅艷芳》
3.《智齒》
4.《媽媽的神奇小子》
5.《濁水漂流》
最佳導演提名
1. 文念中 《好好拍電影》
2. 陳木勝 《怒火》
3. 梁樂民 《梅艷芳》
4. 鄭保瑞 《智齒》
5. 陳可辛 《奪冠》
最佳編劇提名
1. 章彥琦、何肇康、李浩田、凌偉駿 《一秒拳王》
2. 何靜怡、林家棟 《殺出個黃昏》
3. 歐健兒、岑君茜 《智齒》
4. 尹志文、盧文駿 《媽媽的神奇小子》
5. 李駿碩 《濁水漂流》
最佳男主角提名
1. 林家棟 《手捲煙》
2. 謝賢 《殺出個黃昏》
3. 林家棟 《智齒》
4. 梁仲恆 《媽媽的神奇小子》
5. 吳鎮宇 《濁水漂流》
最佳女主角提名
1. 周秀娜 《馬達‧蓮娜》
2. 王丹妮 《梅艷芳》
3. 劉雅瑟 《智齒》
4. 吳君如 《媽媽的神奇小子》
5. 鞏俐 《奪冠》
最佳男配角提名
1. 古天樂 《梅艷芳》
2. 林雪 《殺出個黃昏》
3. 馮皓揚 《媽媽的神奇小子》
4. 柯煒林 《濁水漂流》
5. 謝君豪 《濁水漂流》
最佳女配角提名
1. 鮑起靜 《除暴》
2. 廖子妤 《梅艷芳》
3. 鍾雪瑩 《殺出個黃昏》
4. 廖子妤 《智齒》
5. 白浪 《奪冠》
6. 李麗珍 《濁水漂流》
最佳新演員提名
1. 王丹妮《梅艷芳》
2. 鍾雪瑩《殺出個黃昏》
3. 梁仲恆《媽媽的神奇小子》
4. 馮皓揚《媽媽的神奇小子》
5. 柯煒林《濁水漂流》
最佳攝影提名
1. 劉子健 《手捲煙》
2. 馮遠文 《怒火》
3. 潘耀明 《梅艷芳》
4. 杜可風、蔡高比 《第一爐香》
5. 鄭兆強 《智齒》
最佳剪接提名
1. 張叔平、盧煒麟《手捲煙》
2. 鍾煒釗 《拆彈專家2》
3. 麥子善、李點石、何永禕 《長津湖》
4. 彭正熙 《怒火》
5. David Richardson 《智齒》
最佳美術指導提名
1. 張兆康、姚漢文 《手捲煙》
2. 黃炳耀 《梅艷芳》
3. 趙海 《第一爐香》
4. 麥國強、王慧茵 《智齒》
5. 潘燚森 《濁水漂流》
最佳服裝造型設計提名
1. 張兆康、陳子晴 《手捲煙》
2. 吳寶玲 《真‧三國無雙》
3. 吳里璐、葉嘉茵 《梅艷芳》
4. 和田惠美 《第一爐香》
5. 余家安、葉嘉茵 《智齒》
最佳動作設計提名
1. 梁博恩 《一秒拳王》
2. 鄧瑞華 《手捲煙》
3. 李忠志 《拆彈專家2》
4. 甄子丹、谷軒昭、谷垣健治、 李忠志 《怒火》
5. 黃偉亮 《智齒》
最佳原創電影音樂提名
1. 趙增熹、張人傑《梅艷芳》
2. 坂本龍一 《第一爐香》
3. 川井憲次 《智齒》
4. 戴偉 《媽媽的神奇小子》
5. 黃衍仁 《濁水漂流》
最佳原創電影歌曲提名
1. 時間的初衷 《一秒拳王》
作曲、主唱︰周國賢、恆仔@ToNick／填詞：鄭敏
2. 歡迎嚟到呢座城市 《狂舞派3》作曲︰戴偉、霍嘉豪／填詞︰霍嘉豪、阿弗、陳心遙／主唱 ︰霍嘉豪、阿弗、劉敬雯、Jan Curious、Kids Choir-戴天信、戴菲然、范芯堯、李寶瑜、莊冬晴
3. 對峙 《怒火》
作曲、主唱：謝霆鋒／填詞：喬星
4. 神奇之路 《媽媽的神奇小子》
作曲：戴偉／填詞：陳心遙／主唱：柳應廷
5. 濁水漂流 《濁水漂流》
作曲、填詞、主唱：黃衍仁
最佳音響效果提名
1. 聶基榮、葉兆基 《拆彈專家2》
2. 王丹戎、Steve Burgess、尹杰 《長津湖》
3. 李耀強、姚俊軒、Kaikangwol Rungsakorn、游國樑 《怒火》
4. 杜篤之、吳書瑤 《梅艷芳》
5. Nopawat Likitwong 《智齒》
最佳視覺效果提名
1. 余國亮、林嘉樂、徐德彪、何家全 《拆彈專家2》
2. 徐克、楊文傑、王磊 《長津湖》
3. 梁偉民、林洪峯、刁璟瑋、洪敏詩 《怒火》
4. 余國亮、林嘉樂、梁偉民、洪敏詩 《梅艷芳》
5. 林嘉樂、何文洛、刁璟瑋 《智齒》
新晉導演提名
1. 趙善恒《一秒拳王》
2. 陳健朗《手捲煙》
3. 文念中《好好拍電影》
4. 劉浩良《除暴》
5. 李駿碩《濁水漂流》
最佳亞洲華語電影提名
1. 《月老》
2. 《美國女孩》
3. 《消失的情人節》
採訪：黃寶蓮
責任編輯：楊安莉