來自馬來西亞的張慧儀最近為香港開電視，主持全新綜藝節目《曬ya馬拉moi》，介紹老家馬拉的特色菜，並於節目上親自下廚，分享昔日與嘉賓合作的點滴。慧儀透露受疫情影響已有2年時間無返老家，今次拍攝自不然勾起思鄉之心，她說︰「因為每年總會返去一次，好享受三代同堂感覺。」至於有否想過養子Hanson（張晃維）將來拍拖，女方一定要是大馬人？慧儀笑言沒有這規定，最好當然是媽媽類型的，但她不太鼓勵兒子太快拍拖，因其性格太單純，容易被騙。
慧儀表示今次為《曬ya馬拉moi》獻出第一次，是第一次做以馬來西亞菜為主題的節目，幸好有位大廚幫忙，合力下廚。提到每集邀請不同嘉賓試菜，已知的就有陳啟泰、陳彥行及夏韶聲等，「邀請上嚟嘅嘉賓都係識於微時，每一位認識有廿幾年，同我有唔同嘅故事，其中一位係夏韶聲，佢係我嚟香港拍第一齣劇集（二十世紀九十年代的《開心華之里》）所認識嘅演員。好記得初嚟香港乜嘢都唔識，我係馬來西亞長大嘅，嗰邊冇冬天，大家想像唔到我係完全冇聽過羽絨呢兩個字，我唔知羽絨係咩嚟！話說嗰日出海拍外景，天氣好凍，我冇着太多衫，凍到不得了，於是暱喺船艙入面喊，跟住畀夏韶聲見到，隔兩日返到公司時，佢送咗一件外套畀我。呢件事令我好感動，嗰個階段嘅我係乜都唔識，好記得畀人攞我身材嚟開玩笑，我就即刻喊，你就知話我嗰時係幾咁單純。」
陳彥行著泳裝曬身材慘被嫌硬晒軚 驚爆大馬「破處」難忘經歷【下一頁】
現年51歲的慧儀，有一段時間無做幕前，在開拍《曬ya馬拉moi》前是否需要keep fit？「2013年返香港拍《女人俱樂部》，拍完之後停咗一段時間，到2017年拍《宮心計2深宮計》嗰陣，睇到自己狀態並唔係太理想，若果想再做幕前工作，我應該要將狀態保持得好啲，呢個亦係向觀眾負責任，要求自己咁樣去做。喺呢段時間接咗醫學美容廣告嘅拍攝工作，幫助我皮膚有所改善，另外飲食上又會節制一吓。「
慧儀續說：「而家見到《真情》重播，唔會怕網民同昔日嘅我做比較，因為我接受自己，覺得而家嘅我一定比以前更好，譬如我多咗生活閱歷，咁思維，待人接物等等，絕對係比以前好。而家係唔後生，都唔係好醜樣啫！唔會令人完全唔認得我，好多人都認為張慧儀尚算可以，我唔敢話自己好靚，而家都有回頭率㗎！」
慧儀承認今次拍攝《曬ya馬拉moi》勾起對老家的思念，很想念當地親朋戚友及家人，「1993年我離開馬來西亞，但屋企人全部都喺怡保，我每年最少返去馬拉一次，由於疫情已有2年冇返屋企嘞！今次做呢個節目可以食馬拉食物，你話幾好呢！（過往同Hanson一齊返去？）以前未有阿仔就一年返去1、2次，有咗阿仔之後就一定同佢一齊返去，亦發覺有咗佢之後，帶住佢返老家時好享受三代同堂嘅感覺，以前後生唔會有呢種感覺，有咗小朋友之後就好享受，由準備返去嗰一刻嘅心情已經係好興奮、好開心。」
Hanson患有先天性心臟病，現時身體狀況如何？慧儀表示：「阿仔喺2018年手術之後，康復情況理想，我好感恩。佢去年11月時入院做過一次小手術，檢查咗好多嘢，例如肺壓指數高咗，我要點留意一下，佢又要點樣好好保護自己。其實佢冇手術可以再做……大吉利是，佢有啲咩就要換心，但換心好複雜，當然唔希望佢有嗰一日，希望可以健健康康生活落去。（性格開始反叛了嗎？）我個仔而家10幾歲，好感恩，佢冇同年紀男孩嗰種反叛，佢比較單純、冇膽，入醫院會好想我陪佢去，呢啲好正常。佢有自己思維，有時會嫌我煩、長氣，佢一講我就會話『阿媽唔長氣點養大你』？佢就會『得得得』咁答！」
張慧儀養子心臟手術後奇蹟康復 17歲Hanson一句話令媽媽「放手」【下一頁】
慧儀於2003年在內地做義工時，與Hanson結下母子緣，見證兒子一日一日長大，她坦言無時無刻好想錫Hanson，珍惜每日一起食早餐的相處時光，「以前佢細個未做手術前成日缺氧，唔行得好多路，會好辛苦，成日要我抱佢，嗰時我後生又好鍾意著高踭鞋，成日著住高踭鞋抱佢，到而家我抱佢唔郁嘞！望住佢講『阿仔你咁大個喎，點解時間過得咁快』，感覺好矛盾，又想你大，有時又唔想你大得咁快！我成日會叫阿仔過嚟畀阿媽錫啖，佢又會畀我錫。我係會好想攬佢、錫佢，佢而家仲畀我咁對佢，希望將來都一樣。我嘅珍惜係付諸於行動，每朝一定5點鐘起身，因為咁多年習慣咗，要照顧佢，睇住佢食早餐，呢個係我哋好寶貴嘅時間，喺呢段時間會同佢溝通傾偈，交帶佢一啲嘢，睇住佢出門口返學。」
（↓點擊圖片放大↓）
- {{hket:inline-image name="1_602.jpg"}}{{/hket:inline-image}}
- {{hket:inline-image name="02153002.jpg"}}{{/hket:inline-image}}
- {{hket:inline-image name="02153003.jpg"}}{{/hket:inline-image}}
- {{hket:inline-image name="02153010.jpg"}}{{/hket:inline-image}}
- {{hket:inline-image name="02153008.jpg"}}{{/hket:inline-image}}
- {{hket:inline-image name="96ece507-3deb-43a2-9a3c-337166f0b702.JPG"}}{{/hket:inline-image}}
- {{hket:inline-image name="91bf1264gy1ge1aqadgknj20u013ywvo.jpg"}}{{/hket:inline-image}}
- {{hket:inline-image name="02153004.jpg"}}{{/hket:inline-image}}
- {{hket:inline-image name="1024_7ea540b7f4e068439beb0dc4b52db22b.jpg"}}{{/hket:inline-image}}
- {{hket:inline-image name="1024_867fbd642308f98889a9768615e0fb0dsaasftp20200221.jpg"}}{{/hket:inline-image}}
有身為父母的不想見到小朋友拍拖，或太年輕就結婚，慧儀亦有這種想法，「好坦白講，我唔鼓勵……拍拖冇得阻止，大家年輕過都知道啦，我同阿仔講，等佢思想成熟啲先適合拍拖，仲係好單純，一個細路仔識啲咩？識得保護女仔？又唔覺佢做得好好，所以唔太鼓勵，當然佢成熟啲就唔會阻止。結婚問題都有傾過，阿仔第日會遇到個咩女仔呢？好惡我就一定唔得！阿媽點樣鬧仔，都係叫錫，嗰個女仔鬧我個仔就唔得！阿仔同我講，叫我第時幫佢搵女朋友，佢接受嘅我都幾開心，但係覺得呢步對佢都係遠，未去到呢個階段。」
Hanson將來拍拖，女方一定要是大馬人？慧儀笑言沒有這規定，「唔係話香港女仔就唔好，馬拉女仔就好，邊度都有壞嘅女人，最梗要唔好搵有機心嗰啲。希望阿仔遇到一個單純、乖乖，同埋識得錫佢嘅異性；我真係唔介意佢搵個年紀大，搵到個同媽媽一樣錫佢嘅，我好贊成！喺阿仔身上拎著數就梗係唔贊成。阿仔嘅對象……最好好似我咁嘅類型，搵個好似媽媽咁嘅就最好！但呢啲只係我諗，會畀意見，過份參與或者會影響母子感情。我又好了解自己嘅性格，如果見到嗰個唔合條件，我真係會忍唔住……都係唔敢諗，到時再算！」
場地提供：The AIR（The ONE）
攝影：何家賢、王華婷、黃惠
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】