江欣燕參加《第四屆新秀歌唱大賽》(1985年)而入行,在無綫擔任過各類節目的主持工作,同時亦有接拍劇集等,在80年代末,已經撈過界拍電影,欣欣憶起當時的銀幕初吻,仍然一臉甜絲絲。
同場加映:After Class聲夢四小花感情好零拗撬 與COLLAR風格各異望互相學習
最近,欣欣接受好友鄧英敏主持的網台節目《老友鬼鬼》訪問,提到銀幕初吻,她甜笑說:「嗰齣戲係《專釣大鱷》,我飾演電視台小花藍嘉倩,劇情交代我同劉德華喺最尾一齊,當時我好緊張,有人大叫『OK!嚟得』,佢就啜咗我個嘴一下,我震到呢……好驚,個心卜卜跳!嗰陣可能我人工低,派啲福利畀我。」
江欣燕參加新秀為見偶像梅艷芳 「好似『鏡粉』鍾意MIRROR咁」【下一頁】
回想80年代的香港有很多夜總會,欣欣很想扮演舞女這類角色,去感受這個行業,後來終於遇上拍攝電影《猛鬼撞鬼》的機會,她說:「好似同吳君如一齊做舞女,我都唔知舞女係點,佢(電影公司)叫我做番自己,再放一啲就可以!要我擔住支煙,前面係張賭枱……又唔係真吸(煙),一吸就咳!拍完之後,我先諗係咪要去學食煙?要連戲,一個唔食煙嘅人係唔會演得好。」
單對單|江欣燕提13年主動要求離婚始末 迎合前夫吳積遜交際生活失自我【下一頁】
直至90年代,電影業依然十分蓬勃,欣欣指電影公司會找幾個貴價藝人夥拍幾個平價藝人,去開拍鬼片。欣欣指自己曾有奇遇,「有一次拍鬼片,我喺架車入面瞓覺,瞓到凌晨3、4點,都仲未到我埋位,於是我再瞓。突然有人敲玻璃,我見到有一個人拎住紙同筆,我心諗『邊個嘈醒我』,咁我就開窗,嗰個人好心急咁話『我冇你電話』,就二話不說將自己電話號碼畀咗佢,因為現場差唔多都係電影公司啲人……後來再有人叫『江小姐埋得位』,我先問『你哋冇我電話咩?你哋唔係聯絡經理人搵我咩?你哋製片點解叫劇務拎我電話』,全場即時靜晒!冇人出聲……」
第二日繼續開工拍鬼片,欣欣向工作人員重申︰「應該經唱片公司搵我,唔可以私自搵我,問我攞檔期,唔得㗎!因為我會畀錯(檔期)你』。呢件事我一直記住,兩年前識咗一個高人,佢係道教大師,咁我就話佢知啦,佢即刻答『佢哋係(鬼)嚟嘅,你有冇畀到電話號碼先?有冇電話打嚟唔出聲』,我可能有收過,見唔出聲咪收線囉!」
【十八年後的終極告白】江欣燕離婚不記恨樂觀人生 「放生兩個人是功德無量」【下一頁】
拍戲帶給欣欣不少難忘經歷,記得90年代有齣電影《水玲瓏》在韶關取景,她飾演粵劇紅伶,並夥拍李賽鳳,她說:「呢部戲都算辛苦,因為有落水戲,當時好凍,差不多零度咁滯,見劇組啲人煲晒薑畀我飲。我諗住有潛水衣,但原來真係好甘,飲埋酒都唔掂!記得我一落水,周圍都係鴨屎,因為係一個池塘,仲要擘大眼做戲……哈哈!」
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】