老婆患皮肌炎︳陳榮峻逼吳香倫早起做運動養生 唔覺辛苦：照顧人係一種福氣

陳榮峻同吳香倫這日接受陳永業、袁梓珮訪問，在港台《香江暖流》上訴說女方患上風濕科罕見疾病皮肌炎，談到康復進度的同時，兩公婆亦講到婚後生活的變化，互畀分數。

同場加映：林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

{{hket:inline-image name="helenhl08_271291883_666071171055876_4840379488802646486_n.jpg"}}{{/hket:inline-image}}

{{hket:inline-image name="02183001.jpg"}}{{/hket:inline-image}}

吳香倫年幾前患上風濕科罕見疾病皮肌炎，病發前有何先兆？陳榮峻解釋初期以為類風濕關節炎，睇幾次醫生也說冇事，就算去驗血也找不到病因，只是有幾聲咳及關節有些腫，吳香倫再作補充：「其實已經發生好耐，我唔知道乜嘢病，同埋關節會有啲痛，病情嚴重時皮肌炎攻擊我個肺，本來個肺都有啲弱，嗰時終於知道嚴重性，後嚟去醫院再檢查證實係皮肌炎。（現在要食藥接受治療？）要，最好係上次複診減咗藥，即係已經有好轉，但唔可以減得太快，暫時要保持住一路食藥。」

【《愛回家》譚校長】陳榮峻65歲生日獲囝囝送上蛋糕 願望與太太吳香倫健康走下去【下一頁】

陳榮峻承認知道太太患病時很擔心，因為資深藝人魯芬當年就是被這疾病奪走性命，「當初入醫院又係好驚，出嚟報告話攻擊心臟，而醫生話明會有5名醫生會診，叫我哋唔好驚，當中有腦科、胸肺科、風濕科、皮膚科同心臟科，因為會攻擊呢5樣嘢。」吳香倫指醫生見他們神情驚恐，解釋這種病有多種組合，而她所屬的組合是中等嚴重性，並非魯芬所患的級數。

提到陳榮峻前妻因腦出血而逝世，如今再次以「照顧者」身份照顧另一半，他認為：「做一個照顧者唔辛苦，覺得照顧人係一種福氣，證明自己身體好。講到以前太太情況，我冇點照顧佢，佢係一嚟（指病發）就走，突發性走咗。至於而家情形，佢又唔使點照顧，最重要按時服藥，同埋捉佢去做運動。以前會一齊行山，但疫情下抄牌嚴重，而家改為去緩步跑。」

《愛回家》吳香倫確診奪命罕見病皮肌炎 陳榮峻不離不棄陪愛妻行山抗病【下一頁】

陳榮峻同吳香倫於2018年結婚，2020年公司力邀其北上發展，可是男方為了照顧病妻而甘願放棄搵錢機會。對於老公處事如此窩心，身為老婆會給多少分數？吳香倫說：「99分，剩低1分係想佢做嘢慢少少，佢好心急，做事好快手。（老公好易忟憎？會鬧人？）佢會忟，好心急好心急嗰種，唔係真係鬧，係好緊張咁催你快啲，咁我就叫佢慢啲。」陳榮峻給太太滿分100分，「若果同樣話畀99分，剩低1分就想佢快啲，唔好咁慢，哈哈！」陳永業大讚二人是天作之合，一快一慢很夾。

（↓點擊圖片放大↓）

至於二人婚後有哪些生活上的不習慣？吳香倫表示：「最唔慣成日要我早瞓，因為以前一個人鍾意幾夜瞓都得，唔瞓又得，而家就唔得，因為有佢睇住。」陳榮峻解釋因為要一早去緩步跑或者行山，始終身體不好就要做運動改善，「最唔慣一早起身想去練功夫，想捉埋太太去練太極，因為要入去東涌搵我師兄，咁我哋要6點幾起身，揸車點快都要1個小時，咁呢樣嘢佢真係唔慣。」

男方略作補充︰「緩步跑或者行山，我哋唔可以晏晝去，因為太太唔曬得，佢個病唔可以曬太陽，所以要一早起身出發，最遲8點幾要行，到晏晝出猛太陽都唔好去啦！佢會曬親。」兩公婆坦言沒有嗌過交，女方笑說︰「佢會話我嘅！例如叫我起身返工時就會忟憎。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}