Omicron日誌︳On仔陳健安染疫3個方法殺菌 「唔可以亂食連花清瘟膠囊」

近日香港疫情持續嚴峻，感染Omicron人數攀升，可以話係總有一個喺左近。而歌手On仔＠Callstar（陳健安）日前都喺社交平台宣布確診，今日佢就分享自己連日嚟中招嘅感受，又教大家有咩途徑遙距睇中醫，分享幾個殺菌紓緩症狀嘅小方法。

同場加映： 林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

On仔分享佢嘅Omicron日誌，第一日嘅時候，佢只係喉嚨痕同埋右頸痛好似瞓矮頸；到第二日，佢味覺嗅覺無咁敏感，乾咳，夜晚有發冷出汗，朝早到左頸痛，超頭痛頭赤，無胃口。到第三日，瞓覺少少發冷，少少發熱出汗，頭好赤痛，無胃口，臨瞓開始喉嚨痛，嚟得好突然。到第四日，佢瞓醒喉嚨好痛，頭重，攰，胃口好啲；到第五日仲開始有咳同黃痰。佢形容到第六日啲痰好似喺肺部深處，要畀啲力深呼吸先咳到出嚟，胸腔位置有啲緊。

{{hket:inline-image name="1.PNG"}}{{/hket:inline-image}}

與同樣感染Omicron嘅商台DJ麻利一樣，On仔都形容喉嚨痛係最辛苦嘅病徵，不過佢喺遙距睇中醫下，得到醫師教路殺菌，先至冇咁辛苦，On仔分享：

喉嚨又熱又痛，呑口水超痛，感覺好似成個喉嚨都係飛滋咁，乾咳。照鏡，原來喉嚨有發炎同少少白點，所以咁痛，即刻遙距睇中醫，教我洗鼻漱口，希望啲菌唔好落氣管。第一個鐘用暖鹽水洗鼻漱口，第二個鐘用暖綠茶漱口，感覺特別清雅，然後重覆，做到瞓覺為止，即刻舒服好多。

最特別嘅方法係叫咬碎生蒜頭含喺口15分鐘，殺菌，就搞到我好想食台灣腸仔😂。

On仔又指醫師教咗佢買啲中成藥同藥房買到嘅西藥，感冒沖劑、板藍根沖劑、lysozyme，不過醫師就叫佢唔好亂食「連花清瘟膠囊」，一定要有中醫師診症之後先好食。而上面所講嘅藥佢都係睇完醫師先食，只係啱佢，食唔啱就有機會令病情惡化。最後On仔仲同大家Share咗個浸大中醫最新update嘅服務list，如果有需要都可以搵佢哋遙距診症。

圖片來源：Instagram