敖嘉年傳出偷食自揭離婚3年 蔣家旻無辜被「小三」感情事隨緣

現年45歲嘅藝人敖嘉年入行20多年，早年憑電視劇《巾幗梟雄》大少爺「蔣必文」一角彈起，多演奸角嘅佢演技獲得肯定，2016年更同圈外女友拉埋天窗，事業同愛情都看似美滿。不過今日有報道指佢有婚外情，同藝人蔣家旻疑似撻着更共度一宵，敖嘉年始自揭已經同前妻離婚3年。

同場加映： 林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

敖嘉年同蔣家旻前年因為拍劇集《欺詐劇團》開始熟絡，二人喺劇中分飾導演及編劇，雙方戲內戲外都不時「互窒」，似足歡喜冤家。今日有報道指敖嘉年疑背妻撻着蔣家旻，敖嘉年受訪時即自爆早於3年幾前已和平離婚，仲話身邊好多圈內朋友同家人都知道。之前同前妻一直覺得冇需要公開，亦唔知喺咩渠道公開，因為平時做訪問都唔會多講家事。佢透露同前妻關係友好，唔再一齊都好似家人，生日都會一齊過。

{{hket:inline-image name="w120.jpg"}}{{/hket:inline-image}}

敖嘉年否認同蔣家旻拍拖，又指平時好多朋友會上佢屋企，家旻上去都係一班人，不過佢就唔排除任何機，坦言好欣賞蔣家旻，不過就話女方好火爆同「好鬼惡」，自己好怕佢，但就話好多嘢講緣分，一切隨緣。

蔣家旻回應《晴報》否認同男方拍拖，亦冇去對方家中過夜：「我冇去過佢屋企過夜。我去佢屋企係有埋其他朋友一齊。」佢同敖嘉年對至於感情事睇法一致，異口同聲話「隨緣」：「我無刻意諗過，對任何人都係，我偏向佛系，唔心急，所以隨緣啦。」家旻指同敖嘉年因拍劇熟絡，大家有共同圈外朋友，所以自然再熟啲。

{{hket:inline-image name="197195728_296779788793028_6642661996036889496_n.jpg"}}{{/hket:inline-image}}

蔣家旻同樣都好欣賞敖嘉年大讚對方人品好又好正氣：「有啲咩演戲上嘅嘢我都會請教佢，佢都會同我分享。」感情生活空白咗幾年，家旻指自己命格有桃花運，所以對感情事一直抱正面態度，家人有催佢快啲搵個如意郎君，反而佢自己就一啲都唔心急：「暫時無心儀對象，有圈外人想識我，大家係普通朋友，未有進一步發展。」

三位好姊妹朱千雪、岑杏賢同張嘉兒都做晒人妻，蔣家旻坦言佢都憧憬嫁個好老公，到有一日真係遇到真命天子，亦唔介意公開同大家分享喜悅。

而與蔣家旻兄妹相稱嘅羅天宇，對妹妹嘅緋聞半信半疑：「佢有戀情應該會話畀我知，咁否認得應該就真係唔係嘅。(識咁耐知佢鍾情成熟男士？) 咁我又唔係好清楚，要再觀察下先知。」至於阿妹同敖嘉年可合襯，天宇回應就係要「睇定啲」：「同敖嘉年合作得唔多，要認識多啲先知，不過如果阿妹真係有新戀情嘅我都一定會祝福佢嘅。」佢又希望阿妹結婚時會請飲，更稱：「到時我唔介意反串幫佢做姊妹團㗎。」

圖片來源：Instagram