杜汶澤已領台灣身份證豬籠入水 田蕊妮爆老公開會下半身真空

杜汶澤定居台灣1年多，日前宣傳自家品牌麻辣鴨血時親自證實已擁有台灣身份證。杜汶澤喺記者會上話自己只有兩種情況會受訪，就係做生意同慈善。

同場加映：林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

杜汶澤喺台灣搞生意非常成功，佢喺台灣全聯寄賣鴨血，開賣咗只係1日，1,000間分店已經有200間售罄，佢都自豪自己係香港最大「鴨血進口商」。杜汶澤親自去工廠嘗試研發產品，因老婆田蕊妮同岳父都非常嗜辣，對仲研究推出「總統級」麻辣，指台灣總統蔡英文係台灣最辣嘅女性。

{{hket:inline-image name="274291986_2468313443302555_7194160292450103492_n.jpg"}}{{/hket:inline-image}}

杜汶澤活動上用台語講：「我是台灣人，我現在是台灣商人。」除咗鴨血外，佢仲致敬曾國城嘅「曾拌麵」而推出「增胖麵」；另外今年預計會自導自演電影《詐騙集團》，指如《Tinder》、《創造安娜》嘅詐騙紀錄片、劇集均大收旺場，所以要拍台灣特色詐騙集團電影。

杜汶澤亦有投資開賣NFT，限量6,600個，售價單個640元美金，2小時入帳1億4千萬台幣（約３,800萬港元）。不過佢喺台灣暫時仲係租樓，透露準備喺台北市、高雄買樓，持續觀望中。佢強調香港人唔可以只享受台灣嘅自由，是故每個月都會掏腰包幫助台灣人，「大家要減少矛盾」。

今日杜汶澤就發文分享自己做慈善嘅方法，點樣同自己嘅物欲取得平衡：

自己一直在學習如何做慈善，後來又發現自己物欲很強不知如何是好。

結果我想到了一個方法，可以和大家分享。當然，品格比我高尚的人根本不用看，可以直接跳過。

欲望轉化為慈悲對我等凡夫真的不容易，所以我決定一步一步來。

首先我是一個崇尚物質主義的人，於是便從這方面埋首，例如我看中一個十二萬月租的房子，結果我租了個八萬的，每個月固定捐四萬。六百萬的車買四百萬好了！由買錶、買車、到吃頓胖老爹（不叫雞腿60叫雞翅膀40或者不叫三隻叫兩隻）都這樣做，不太克制又不太放縱，做了之後好好欣賞自己，可以的話盡量不要享受別人的讚美，不要介懷大家罵你小氣，享受自己努力工作的回報，同時又做一點點善行，這樣可能會做得更長久呢！

如果你像我一樣，是個極度自私的人，不妨試試，由自己喜愛的物資開始，不要一下子讓自己變得太偉大，接受一點愛戴，承受一些批評。狗改不了吃屎，反正又不是超級英雄的材料，放鬆自己，放過別人，然後好好活下去，做一個1/3的好人。

{{hket:inline-image name="272894538_2450750055058894_7231972781355118000_n.jpg"}}{{/hket:inline-image}}

杜汶澤移居台灣，同太太田蕊妮分隔兩地1年，近日田蕊妮終於同老公「合體」，見到夫妻二人不時出去搵好嘢食，真係恨死唔少冇得堂食嘅香港人。昨日田蕊妮仲出賣老公「下半身」，將佢不為人知嘅一面喺網上同大家分享，杜太留言：「一個跨國企業的行政總裁是這樣開會的！不要叫我把手拿開啊！」相中杜汶澤上身着得好四正，下身雖然畀老婆用手遮住，但仍露出一雙雪白嘅大腿，令人「想入非非」。唔少網民留言叫佢趕住工作都要着番條褲，因為台北嘅溫度都好低，凍親小杜都就唔係咁好啦！

圖片來源︰Facebook

撰文：黃蘊姿