梅啟明稱脫離母子關係非梅媽所願 兩個關鍵人物操縱已報警處理

現年98歲嘅已故天后梅艷芳媽媽梅覃美金本月14日登報與大仔梅啟明脫離母子關係，梅啟明事後約記者在北角城市花園的一處空地見面，指自己一直未能聯絡梅媽，但就質疑梅媽收受利益同受到唆擺而反口。今日梅啟明再call記者，表示自己要代表媽媽澄清。

同場加映： 江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

梅啟明手持聲明，甫現身即自動波交代：「前幾日我問清楚咗媽媽，佢話冤屈，冇呢件事。前兩日打咗個疫苗，一日10點半鐘佢就打畀我話好驚，我就順便問佢點解會搞母子脫離（關係）呢樣嘢，佢話唔知道。咁我就走去查，卒之水落石出，我問媽媽個私人助理兼護士點解登呢個報紙，到底係咪你嘅主意。佢話唔關佢事，咁我追問話唔關你事咁係關邊個事，再唔講我就報警，佢話屋企有幾多個人吖，你自己知啦，邊個邊個……我而家心中有數（即係邊個？）就係我姪仔，即係我細佬個仔，四十幾歲。年廿幾我都一家人去阿媽度食飯陪佢老人家，點解突然咁，而家一路查查到個情況就係姪仔喺後面做小動作。咩動機我唔知，佢啲朋友、女朋友喺聖保祿（醫院）Chit chat 咁轉，我啲家人就入唔到去。（有冇直接問番姪仔？）噚晚我就質問佢，你點解登啲咁嘅報紙，做咩事？佢諗咗一下，就唔答我，佢話要搵鄭姑娘對質。」

相關新聞：被斷絕母子關係丨梅啟明反斥梅媽收利益被唆擺 鬧市見記者狂咳引警察關切

佢指自己同姪仔同媽媽一齊住，係當面質問對方，而梅媽至今仲未出院，又話梅媽唔係真係想同佢脫離關係：「登報紙佢係激氣嗰陣講嘅啫，而家澄清、了解咗呢件事，幕後就係咁。媽媽98歲，好多人誤會咗媽媽，難聽啲講，我仲走得快過佢啦，仲搞啲咩……脫（脫離母子關係）嚟做乜吖，我條氣又唔順，覺得冇理由，質問阿媽個近身護士，係佢去搞嘅。佢話唔關佢事，我而家報咗警，警方受理。（展示報案編號）」

佢又指自己要求醫院交出所有探阿媽嘅人嘅出入紀錄，要院方交代，被問到梅媽冇再每個月畀二萬蚊佢，係咪都同呢件事有關，佢直指姪仔喺後面操縱媽媽。問到佢具體點操縱嘅時侯，佢更提起亡妹：「阿媽以前新年都會派利是，今年乜都冇，係咪要做一個阿梅嘅版本出嚟。」佢之後解釋：「阿梅喺養和時又係病重，直至唔講得嘢，先叫阿媽簽張死亡紙，所以我第一時間報警，覺得有問題。各方面嚟講係咪有啲咩動機。（係咪有人令你探唔到梅媽？）每個月阿媽廿幾萬，所使所剩，去咗邊呢？你而家知我有幾多。老人家都今日唔知聽日事，係咪要等到好似阿梅咁呀……我一定追究到底。（會唔會同姪仔和氣傾？）佢唔會同我傾，佢不嬲都冇大冇細，所以我冇理佢。」

{{hket:inline-image name="2.PNG"}}{{/hket:inline-image}}

佢指唔知姪仔點對媽媽，但媽媽就當呢個孫係仔咁：「食雞到而家都要搣絲，阿媽當佢仔一樣，但佢老竇冇咁衰，我細佬冇咩，點解會啲咁嘅心腸？」佢堅稱梅媽講脫離關係只係一時之氣：「老人家朝早鬧完晏晝冇嘢啦，70年喎（指自己同梅媽相處時間）。」又話梅媽都唔知阿仔搵唔到自己：「報紙出咗我打電話搵佢佢先知。」