鄧麗欣親手畫白虎為全球祈福 導演陳詠燊讚：其他藝人情何以堪

現年38歲嘅鄧麗欣（Stephy）近年專注拍戲，演技大獲好評，出名keep得好嘅佢都同出道嘅時候冇咩分別，冇咩花邊新聞又唔造作嘅佢可以話係香港嘅「零負評女神」。

同場加映：  江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

才女Stephy曾經作曲作詞又出書，但原來佢畫畫都有一手，早前情人節佢就喺社交平台分享過佢最近畫嘅花油畫，話係送畀自己嘅禮物，當時網民已經大讚佢有藝術天份；日前佢又上載另一幅是白虎，Stephy留言：「中學的時候修Art學的是人像和平面設計，之後再修讀設計也是時裝，印象中真的沒有認真的畫過動物，這應該是第一次，心血來潮我畫了白老虎，正好今年是虎年，正好現在大家都需要滿滿能量，就用來送給大家，祝大家龍精虎猛～如虎添翼～打低所有病菌，老虎雖然兇猛，但白色也代表和平，祈求一切美好快將降臨世間。」

{{hket:inline-image name="205353545_1416375168719285_7881036261961355056_n.jpg"}}{{/hket:inline-image}}

唔少網民都大讚鄧麗欣畫嘅白老虎栩栩如生，電影導演陳詠燊留言：「你叫其他畫老虎的藝人情何以堪....」此留言一出就有唔少網民like爆，令人不禁聯想起早前農曆新年都畫虎為大家祈福嘅溫碧霞。

溫碧霞（Irene）早前喺訪問中即席揮毫，畫老虎向大家拜年。老虎一向予人兇猛同霸氣嘅感覺，不過溫碧霞所畫嘅老虎就行抽象路線，可愛嘅眼、溫柔微笑同毛耷耷嘅小手，就好似母親嘅擁抱咁溫柔。另外，亦有人發現Irene寫錯字，虎虎生威個「威」字少咗一劃。

喺訪問中，溫碧霞就話自己自細已經好鍾意畫畫，不過近年比較忙，所以少咗時間畫畫。被問到畫畫學咗幾耐時，Irene就話學咗一年幾，之前都有啲作品，而呢啲作品都會送晒畀慈善機構做善事拍賣。唔少網民都話唔係好識欣賞Irene所畫嘅老虎，留言「神鳥鳳凰圖有對手了」、「呢隻老虎真係好後現代」及「好多偉大嘅畫家都係懷才不遇」等等。