人夫放假約出去滾｜陳展鵬爆去蒲專企「狗公位」𥄫女 與單文柔拍拖有回到初戀感覺

由林盛斌（Bob）主持的J2節目《人夫放假約出去滾》一連兩晚請來陳展鵬做嘉賓，後者暢談初初出道至今的演藝經歷，更自爆年少輕狂，常常出去蒲。

{{hket:inline-image name="86.png"}}{{/hket:inline-image}}

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

陳展鵬笑言年輕的時候很壞，常常出去蒲，「我係頑皮嘅，咁我又唔會做犯法嘢，出去蒲一定會，讀書點會唔去睇女仔？會去下Clubing，中環大部分都去晒，最堅係一杯嘢玩成晚。」又指當時與朋友專企「狗公位」，「我哋叫杯嘢飲5、60蚊，就唔會飲晒嘅，企喺啲人出入嘅地方吹水、睇女仔。（Bob：有無著落？）梗係冇啦！」

{{hket:inline-image name="97.png"}}{{/hket:inline-image}}

{{hket:inline-image name="997.png"}}{{/hket:inline-image}}

陳展鵬表示以前使得最多錢的地方是買車，「18歲就考車牌，又鍾意Civic、EK個啲跑車……改裝又嘥好多錢。30年前啲大Party梗係要去睇吓，齋睇，跟吓車尾，睇靚車同真正嘅車手。」又指自己細個唔鍾意同女仔玩，所以沒有女仔坐旁邊陪自己揸車。

提到踏足演藝圈的原因，直言自己不是從小就立志做演員，「細個讀書有3至4日都要打乒乓波，邊有時間睇電視、電影？係中學畢業後覺得讀書唔太啱自己……最記得有一次演藝學院收咗我，但我又唔知道原來要畀錢……同時我同朋友又報咗工業學院，TVB藝員進修班嗰邊又收咗我，加上教小朋友打乒乓波，個時收入有3,000幾都幾好。」

時值1994年，入讀TVB藝員進修班，畢業後當臨時演員，他覺得開心好玩，但就不算如意，「我諗每一個人入呢行都會有不如意，我係覺得好精彩同開心。做咗兩三年覺得幾辛苦，辛苦係因為捱唔到，冇時間休息，我以前做運動員係11點瞓，但嚟到TVB要凌晨4點起身，放工係天光先放。加上嗰時拍戲唔興有凳，係啲大哥大姐先有得坐，我哋就企，有時企成十粒鐘。嗰段時間係要捱囉！工作節奏同體能搞唔掂，仲有黑眼圈……」然而捱過後，其演藝事業開始順利，月薪加到6,000幾，當年更有爆Show情況出現。

{{hket:inline-image name="13_600.jpeg"}}{{/hket:inline-image}}

之後陳展鵬要面對人生交叉點，要在歌唱及拍戲事業中二擇一。當時18、19歲的他選擇了唱歌，電視台工作全面停止，「其實都好失望，喺TVB都做咗一段時間，本身想雙線發展，但就只能夠二選一。然後入咗去寶麗金……唔夠兩年執笠，夢碎唔緊要，但冇錢，唔知之後點行，又唔想扮冇嘢入返TVB……唔想咁樣。」

之後他有機會拍電影，但唔夠一年又冇晒聲氣。「個段時間有教乒乓波，同埋返地盤，日日都有糧出，又唔使睇人面色，唔使求人，都有$300一日。」

{{hket:inline-image name="7.png"}}{{/hket:inline-image}}

陳展鵬在2018年與單文柔結婚，Bob問到在2016年，當單文柔參選港姐時，評判之一的他已對她有感覺？陳展鵬重申自己並非一見鍾情，「唔知點解我覺得佢喺台上面好冇信心，好想去保護佢，畀啲信心佢。」港姐比賽後一年多，陳展鵬才向女方「抄牌」；提到與她相處「猶如初戀……原來係佢畀到我信心」。

當年被媒體影下陳展鵬、單文柔約會一事，男方指︰「當時同文柔冇諗過咁快結婚生BB……反而因為呢一件事，更信任對方。我記得嗰時拍《天命》，去內地拍，走咗去冇雷公咁遠拍，我叫佢呢個星期喺香港都唔好出街，佢都好信我。」

陳展鵬自揭第一次向單文柔求婚被拒絕的經過，「太快啦！拍拖先兩年，佢唔信係真，同埋佢驚，『唔好玩啦，你啲戲幾好，視帝嚟嘛』；第二次求婚相隔半年，趁佢瞓覺楔隻紙戒指落佢手，最後成功咗。《逆天奇案》有段情節都係用呢條橋改！」

人夫放假約出去滾丨黃翠如地獄廚神煮臭肉慰夫 蕭正楠無奈：我寧願食竹篙灣啲飯【下一頁】

撰文：娛樂組