森美飄飄然被日本傳媒讚到上天 風趣爽朗封國民主持：充滿時尚感

現年48歲嘅全能主持森美，出道廿幾年來集電台DJ、演員、主持於一身，森美主持的《公子會》、《早霸王》極受年輕人歡迎，司儀工作方面亦係無得彈，更係身價第二高嘅金牌司儀，識搞氣氛、轉數高、對答得體，相信請得佢嘅人都會覺得物有所值。近日森美更加衝出香港，被日本傳媒譽為國民主持。

同場加映：《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向

{{hket:ul-video id="5381"}}{{/hket:ul-video}}

森美日前表示，有一本日本男性雜誌《BRUTUS》的專欄上提及了自己，雜誌其中一欄講到「國民人氣電視主持」，介紹嘅人物正正就是森美：「多媒體活躍。亮眼時尚、狀態絕佳的人氣主持。因為風趣的應對和爽朗的性格而備受歡迎的48歲森美。除了電視主持，作為電台DJ、演員、歌手也相當活躍。外形也是公認的好，只要他存在，畫面就充滿時尚感。現在正在主持香港電視台的『森美旅行團』。」

{{hket:inline-image name="210663322_591526388514763_4338087524793139682_n.jpg"}}{{/hket:inline-image}}

見到雜誌咁樣大讚自己，森美心花怒放：「國民主持，抬舉喇！不過時尚！我好認同！！人生快樂就係咁簡單，一篇小小嘅介紹竟然可以咁驚喜，可能近排疫情真係太苦啦！這令我很滿足！唔係疫情我即刻過日本發展！哈！講笑！」

網民大讚森美威水，仲將佢同韓國「國民MC」劉在錫相比，話兩個都係大師級！對於森美被介紹成一位歌手，麥美恩、小儀都留言調侃：「48歲歌手！」小儀更加話：「歌手？點解唔話你係香港天王巨星㗎！」其實森美曾經推出過唔少歌曲，包括多張舞台劇原聲大碟、電視劇《森之愛情》同《法網狙擊》主題曲、歌劇團主題曲；2007年更以「森美移動」身份出過唱片，甚至於2008年推出《森美金牌司儀The Show Must Go Wrong》的個人單曲。

圖片來源：Instagram