成龍捐贈防疫物資落手落腳搬運 感動700萬人：希望影相嗰班幫手

香港確診新冠肺炎Omicron人數持續上升，演藝界唔少人都幫助小市民抗疫，捐贈物資。古天樂同方力申（小方）抗疫不遺餘力，小方亦捐出5000套快測包，佢喺社交平台宣布︰「我們的慈善機構上月獲稅局豁免繳稅，機構業務本為基層人士提供游泳教學，但由於現時香港疫情嚴重，所有康樂場地及運動設施暫停，機構暫未能提供服務；不過為社會出力，幫助有需要人士，是慈善機構的使命，所以目前最急切的是為抗疫出一分力。」「古天樂慈善基金」日前更再捐出第三批新冠病毒快速檢測套裝5000套，累積捐出13,000套。

同場加映： 江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

成龍大哥更加係出錢又出力，日前成龍中國粉絲團微博，分享成龍喺廈門親自搬運捐贈到香港的防疫物資，並在社交平台寫上「香港加油」為港人打氣。

{{hket:inline-image name="001ly3rbly1gz1y683vg3j63c429ohdt02.jpg"}}{{/hket:inline-image}}

據知成龍捐出10萬盒快速檢測盒、100萬個口罩、3萬件防護服等，聯合某醫療機構捐贈，希望能切實幫助香港渡過難關。相中見到成龍大哥一身運動套裝，便服上陣睇嚟一早做好咗準備要同其他工作人員一齊勞動，成龍親自上前搬物資去到貨架上面。

雖然成龍已經67歲高齡，但作為國際動作巨星，依然非常矯健，老當益壯，睇嚟平時都有keep住鍛煉吧。完全咗搬運工作成龍仲同工作人員一齊合照留念，非常親民。唔少網民都大讚佢非常有心，以佢嘅江湖地位仲對其他藝人有示範作用，而更值得一讚嘅就係佢出錢仲落手落腳做，毫無架子。不過大家都留意到鏡頭外有好多人都掛住影相，如果唔使呢班人影相，一齊加入勞動成龍大哥都唔使咁辛苦呀！

圖片來源：微博