直認年少輕狂愛夜蒲 陳展鵬自爆專企「狗公位」𥄫女

由林盛斌（Bob）主持的J2節目《人夫放假約出去滾》，日前播出一集請來陳展鵬任嘉賓，期間展鵬竟自認年少輕狂，經常出去蒲。他笑言年輕的時候很頑皮︰「我係曳嘅，但我又唔會做犯法嘢，出去蒲一定會，讀書點會唔去睇女仔？會去下clubbing，中環大部分（酒吧）都去晒。」他又自爆當年與朋友專企「狗公位」︰「我哋叫杯嘢飲50、60蚊，唔會飲晒嘅，企喺啲人出入嘅地方吹水、睇女仔。」

另外，展鵬太太單文柔16年參選港姐，擔任評判的展鵬重申自己並非一見鍾情，「唔知點解我覺得佢喺台上面好無信心，好想去保護佢，畀啲信心佢。」他透露港姐比賽後一年多，才向女方「抄牌」，又形容太太帶給他初戀的感覺。展鵬自揭首次向單文柔求婚被拒絕，「佢話太快啦！拍拖先兩年，佢唔信係真，同埋佢驚，『唔好玩啦，你啲戲幾好，視帝嚟嘛』。第二次求婚隔咗半年，趁佢瞓覺偷偷放隻紙戒指落佢手，最後成功咗。」