黎明繼上月初推出《全身想旅行》一曲,將《眼睛想旅行》一曲改詞,以輕鬆的氣氛表達香港人因為疫情關係而未能出埠的鬱悶,不少粉絲聽完都滿心歡喜,雖然歌詞「夭心夭肺」,但總算在第五波疫情之中,帶來一點點的歡樂。當時黎明爆金句:「疫情也只是我們生命中的一點具挑戰性的小過客,此過客亦好似刺客,傷害了好多無辜。」直至今日,黎明再推新歌,以他招牌的溫柔情歌唱腔,為港人打氣祝福。
同場加映:Jeremy認個性沉實不及其他成員風趣 做貼地偶像喜見媽媽興奮炫耀
全身想旅行丨黎明初四推改詞版聽到夭心夭肺 吐港人心聲:我血管想旅行【下一頁】
今次歌曲叫做《Good Luck》,這句亦是黎明的口頭禪,經常在公開演出都會講的說話。他表示:「作為音樂從業員的我,我只能嘗試用音樂去為大家帶來一點輕鬆及共勉。大家保護好自己及家人,心靈互相打氣同High Five!Good Luck!」
而MV由黎明親自掌鏡拍攝,全程拍住清晨的天空,亦正正是「黎明」來臨的一刻。全程1分23秒一鏡到底,直到歌曲的最後,他把鏡頭反轉自拍自己,戴住cap帽、白色口罩的他向鏡頭講句:「Good Luck!」簡而清。
歌曲MV:https://www.youtube.com/watch?v=wJ_EsSHA8Z8
與時並進︳黎明重新灌錄舊作《夏日傾情》 「防止大家再聽震音老土版」【下一頁】
不少粉絲都大讚歌曲感動,特別有部分已確診的人士都留言:「多謝Leon 我都上星期確診!真係好無助!但有你這幾句歌曲打氣,感到好温暖同給了好多正能量」、「喺確診時聽到你嘅歌聲同鼓勵,真係好溫暖,Leon你都要小心身體,Good Luck to you」、「我昨日確診,呢兩日匿埋響屋企,好辛苦!今日一聽到呢首歌第一句已經搞到我喊晒口,好厲害Leon」、「感謝Leon,讓香港人苦中有一點甜」等等。
今次黎明同樣找來林日曦幫忙作曲、作詞,林日曦在社交平台分享製作過程,更直指黎明「暗戀大家」才有如此強大又快捷的行動力。
話說前幾日,Leon想要一首歌,簡簡單單,同大家講聲good luck。
呢排大家身心都攰,人人面對唔同問題吧。
收咗線之後,如有黎助,好快搞掂;轉個頭,我已寫好曲 + 詞;轉個身,就匿入被竇(因為靜啲),錄咗一個唱得都幾難聽嘅demo出嚟send畀佢。雖然我例牌唱得麻麻,但佢冇嫌棄,仲好有善心咁,話首歌幾好;不特只…1個鐘後,佢仲即刻搵何炳幫手整好咗個結他底;不特只……18個鐘後,佢已經錄起咗首歌;不特只……19個鐘後,佢已經親手拍埋個「MV」;不特只……24個鐘後,首歌已經mix好出得街。
成件事,由佢打俾我開始,到完成晒成首歌,加加埋埋唔夠30個鐘頭。呢單嘢咁快就可以發生得到,我諗得兩個可能性:一係佢暗戀我;一係佢暗戀大家。咁好明顯係後者。希望大家去聽完Leon呢首新歌《Good Luck》之後,好快就有luck。Good Luck to you。
責任編輯:楊安莉