絲打圍爐丨花姐哽咽認唔適合做經理人 「女人點強悍返屋企都要依靠男人」

MIRROR和ERROR經理人黃慧君（花姐）接受楊詩敏（蝦頭）和練美娟（娟姐）主持的《絲打圍爐》節目訪問，上集談到花姐對16位旗下藝人的感覺，今集花姐大談自己做經理人的內心感受。她表示：「點解我唔做監製而去做褓姆呢？我真的覺得自己似褓姆多過經理人，感覺好自卑，但你哋竟然覺得我自滿，所以我好唔開心。」她認為是工作性質改變，不能再粗聲粗聲對人，亦不能夠跟朋友透露太多工作內容，「真誠待人係我基本做人原則，而我真係覺得自己唔適合做經理人。」花姐自認不適合做經理人，一度哽咽，強忍淚水，表示若老闆找到合適人選照顧MIRROR和ERROR，撇除不捨得的元素，她相信會一口答應「放手」。

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

絲打圍爐丨花姐嚴選ERROR何啟華做老公 193夠情趣好啱做情夫【下一頁】

{{hket:inline-image name="274633901_631662257902329_2634096145875353631_n.jpg"}}{{/hket:inline-image}}

花姐認為經理人不是自己嚮往的工作，她最希望跟丈夫去旅行，亦希望能夠推出一個自己監製的節目作品，「我年紀唔細喇！再唔做就做唔到，但我竟然用呢啲時間嚟湊MIRROR、ERROR，係咪真係好想講粗口？」花姐同時感激老公成為她背後的強大後盾，「我呢啲女人唔識煮飯，唔識做家務，我低能到洗衫，放啲衫入洗衣機，然後唔知下一步應該點做……」

花姐大讚老公很會照顧家人，「老公成熟，當我唔開心返到屋企嘅時候，有個男人鬧醒你係會好啲！佢係一個我好依靠嘅人，我喺屋企唔敢出聲，老公叫企就企！如果我約老公遲到兩分鐘，佢一send短訊嚟，我即刻手都震晒，係『對唔住對唔住，即刻到』嗰種！女人喺外面工作幾咁強悍，返到屋企點都要依靠男人。」

花姐指兩個兒子都覺得媽媽沒用，連家長日都只會叫爸爸出席。蝦頭自爆會為另一半穿性感內衣，花姐大爆自己穿「阿婆底褲」，當然曾為老公穿裙子和化妝，「我老公唔靚仔唔高大，亦都唔有錢，佢後生似李璨琛，識得照顧人，喺佢身邊覺得好有安全感。」

調教你MIRROR｜花姐跟鏡仔關係曾變差擔心反面 姜濤：以前的確畀咗佢好多麻煩【下一頁】

花姐認為MIRROR和ERROR之中，很會𠱁她的人是Lokman、Anson Lo，笑言每次MIRROR得罪自己，全隊人就會唱生日歌𠱁她開心。《絲打圍爐》遊戲環節上，花姐要在16子入面選出「最臭」的人，她指是肥仔梁業，最鍾意遲到的是保錡，至於問到脾氣最臭的人，花姐直言：「我心入面有答案但我真係唔敢答！答邊個都死！呢個遊戲心地最差！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉