第5波疫情丨姚子羚爆被拖欠6位數酬勞 好姊妹胡定欣居家隔離後情況好轉

第五波疫情嚴峻，娛樂圈已接連有多名藝人確診，為減低傳染風險，近日多個劇組即時煞停拍攝工作，商業工作亦近乎停擺。日前有傳媒揭陳展鵬被拖欠百萬酬勞，姚子羚昨日到九龍灣出席活動時，透露自己亦身受其害，她無奈道︰「其實又唔算拖數嘅，係一個保健產品嘅合作，合約期就嚟完，但雙方未正式坐低傾之後要點做。雖然無展鵬咁多，但都有六位數。」

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

{{hket:inline-image name="DSC_1680.JPG"}}{{/hket:inline-image}}

{{hket:inline-image name="DSC_1675.JPG"}}{{/hket:inline-image}}

子羚指暫未向對方追討款項，希望最後以和平方式解決。她續說︰「其實我都唔算遇到好多呢類情況，反而有好多人問我借錢。（睇中你係圈中富婆？）可能佢唔知搵邊個先問我借，但我同對方唔熟，其實身邊好多朋友都富貴過自己。」

早前好姊妹胡定欣確診新冠肺炎，問子羚可有關心對方？她表示︰「我都好耐無見定欣，但我哋有keep住聯絡，佢仲叫大家小心啲，依家知道佢嘅狀態已經好番好多。」子羚透露定欣在隔離期間有父母照顧，亦有飲中藥調理身體，着大家不用擔心。

{{hket:inline-image name="2.jpg"}}{{/hket:inline-image}}

{{hket:inline-image name="3.jpg"}}{{/hket:inline-image}}

圈中確診的人數愈來愈多，子羚坦言有點緊張，會做足預防措施，「我依家去人多地方都會戴兩個口罩，仲會帶定消毒噴霧周圍噴，檢測嘅次數都好頻密，盡量希望做好自己，令家人同朋友唔會太過擔心。」」疫情下，子羚反而關心愛犬會悶，她說：「無得帶狗仔去街散步，依家訓練佢喺屋企去廁所。」

撰文：黃寶蓮