中電再延緩中小企交電費 向低收入家庭派食物券

疫情令市民生活大受影響，營商環境亦轉趨嚴峻。黛安收到風，中華電力（中電）將再度推出「中小企延繳電費計劃」，畀餐飲同零售業嘅中小企客戶延期繳交電費兩個月。業界由今日（7日）起可【按此】上網申請，成功獲審批嘅客戶，3月、4月及5月須繳付嘅電費，可延期到5月、6月及7月先交，詳情可致電2678 2633熱綫查詢。

另外，中電仲同九龍樂善堂合作，向1,000個低收入家庭派發200元電子食物券，畀佢哋喺網上平台買食物，減少社交接觸。而4間中電有「營」飯堂因疫情須暫停堂食及外賣服務，飯堂就改為免費派發5,500張飯券畀飯堂使用者。姊妹仲話，中電義工隊更透過香港明愛、香港路德會及香港聖公會，向獨居和雙老長者派咗4,000個福袋，內有口罩、食物和日用品，真係好貼心。