《940920》｜張敬軒事隔14年驚喜客串劇集 對白講劇組心聲：爛尾啲觀眾鬧呀！

由劉俊謙、蔡思韵和吳海昕主演的ViuTV原創劇《940920》現正播出，昨晚（8日）播出一集，張敬軒驚喜現身，客串飾演劇中余家聰（劉俊謙 飾）的「責任編輯」，不少觀眾都大感驚喜！

{{hket:inline-image name="7.png"}}{{/hket:inline-image}}

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

張敬軒喺劇中客串做編輯，同飾演作家嘅劉俊謙有近6分鐘對手戲。張敬軒一開場就買早餐送上「作家」劉俊謙屋企，仲叫對方為寫真集寫標題賺外快，不過劉俊謙聽完後表示無興趣，張敬軒就話︰「我真係唔明你，你夠錢使啦？出街又要著得靚，又音響、投影機，唔使錢呀？」劉俊謙回應︰「做人最緊要包裝！」

之後張敬軒睇完劉俊謙寫嘅小說初稿，就說：「好有懸念，之後呢 ？」、「其實唔係好睇得明…」、「一開頭就94年，之後又跳去2014年，跟住又跳番2013年，啲讀者跟唔跟到呀？」、「你仲有好多伏筆喎，你解唔解到呀？啲網上連載最憎就係呢啲爛尾故…」劉俊謙就話：「爛唔爛尾好主觀」，張敬軒突然打破第四面牆，望住鏡頭講：「唔係呀，啲觀眾鬧呀！」明顯係劇組借張敬軒的角色說話，講出劇組心聲。

{{hket:inline-image name="6.png"}}{{/hket:inline-image}}

劇集播出後，張敬軒上載劇照說：「呢期去咗幫人做吓part time編輯，點知就遇到個成日要氹佢交稿嘅大作家家聰，我平時自己一個人食早餐悶得滯，一於搵埋佢先。再次多謝我嘅呢位網友 @stev.law （導演羅嘉駿）俾機會我同男神 @lauchunhim.terrance （劉俊謙）一齊食個單單打打嘅早餐， 開心，感恩！」

{{hket:inline-image name="275538526_281448517437097_3631876147373748329_n.jpg"}}{{/hket:inline-image}}

張敬軒表示雖然與劉俊謙初次見面，但因大家有很多共同朋友，所以劇外都是一見如故。他指因為自己甚少拍劇，所以亦略感緊張，更笑言要向劉俊謙指教：「因為電視劇同舞台劇好唔同，所以都有問劉俊謙可以點樣做得更好。佢都有話俾我聽劇集嗰節奏同energy係應該要點。」張敬軒指今次角色對白上有好多專有名詞，所以感到略有難度，笑言希望導演可以「收貨」。  

而劉俊謙表示自己本身已十分喜歡張敬軒，更開玩笑指「細細個就係聽佢啲歌大」，所以事前亦十分期待與他首次合作。

曾多次表示對舞台劇及拍劇有興趣的張敬軒，對上一次拍劇已經係2008年拍《盛裝舞步愛作戰》，仲要係客串性質。而今次他客串《940920》的原因是他有睇過《二月廿九》，對製作團隊有信心，當日被邀請時就即刻答應。

{{hket:inline-image name="324.png"}}{{/hket:inline-image}}

《940920》｜余子明年初中風左邊身暫時癱瘓 近照曝光精神不錯 網友留言打氣【下一頁】