星光路上丨丁子朗感激阿姐開口向監製提攜 爆曾面試演《尚氣》：唔試點知

丁子朗（丁丁）接受無綫娛樂新聞台節目《星光路上》專訪，與主持潘盈慧大談入行5年多的趣事及心路歷程。丁丁2016年由加拿大隻身來港，以19歲之齡參選香港先生，最終奪得亞軍成功入行，他坦言父母當時並不支持他的決定：「父母真係擔心我食唔飽、著唔暖，佢哋話：『咁我哋係咪要養到你30歲？』但我成日同佢哋講一生人得一次，我想做一啲唔會令自己後悔嘅嘢。」

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

青春不要臉丨丁子朗「齊輕舟」靠關係入藝訓班 角色原形周星馳到底係靠邊個？【下一頁】

{{hket:inline-image name="NBF.jpg"}}{{/hket:inline-image}}

{{hket:inline-image name="GHH.jpg"}}{{/hket:inline-image}}

{{hket:inline-image name="97002797_667939900665717_4322205392185508898_n.jpg"}}{{/hket:inline-image}}

丁丁入行第一年就獲安排擔任台慶司儀，成為年資最短及年紀最細的司儀之一，亦成為為他帶來不少工作機會。丁丁難忘一次表現最差的經歷，「有一次我同Liza姐（汪明荃）做粵劇show，因為我對粵劇真係唔係太熟悉，講錯咗啲粵曲名，所有觀眾都望住我NG，我成個人都慌晒；當時Liza姐同我講：『你放心慢慢做』，仲同我講番啲名係點樣嚟。呢次可以話係我主持路上嘅轉捩點，令我覺得要好認真咁做一個有感染力嘅司儀。」除了用心教導丁丁，Liza姐更提攜丁丁上節目，令他非常感恩：「兩年前有一個節目，初頭冇我份嘅，係Liza姐同監製講：『點解唔用丁丁呀？加埋佢落去啦！』我係喺Show前先知Liza姐幫咗我。所以好想多謝阿姐不斷提攜同畀機會我，如果冇阿姐咁錫我，我諗而家嘅丁子朗仲係一個薯仔。」

今年憑《青春不要臉》正式升呢男主角的丁丁，透露演戲初期曾遭遇不少挫折，更曾被劇組工作人員鬧爆：「通常我哋開廠都會開到好夜，咁大家自然都好攰，有一次有個位臨尾反應係要我笑，拍完嗰個shot大家就可以收工，但我就笑極都笑唔到、好唔自然，當時現場大家都好躁，直情有人話我：『你擘大個口啦，你擘大我哋就收工架喇！』我作為一個新人當然好驚，對於我亦係好大嘅打擊。」丁丁透露自此便先後報讀了鍾景輝、韋羅莎、彭秀慧等多個演藝課程，並終於在拍攝《七公主》時開始掌握方向。

2021香港小姐競選│丁子朗周嘉洛三角泳褲加魚網裝 網友彈肉酸：向陳百祥致敬？【下一頁】

另談到與《青春不要臉》拍檔戴祖儀傳緋聞，丁丁狠心落閘謂：「識咗佢太耐喇，成三、四年，火花已經冇咗喇，Keep住做朋友係非常之好嘅決定。」丁丁又坦言現在事業行先：「如果情人節有份工急call我，我會選擇工作囉！我咁後生，如果依而家拍拖，唔通40歲先嚟工作咩？」

丁丁坦言於《萬千星輝頒獎典禮2021》奪得「飛躍進步男藝員」獎後，恍如被打了強心針：「對我嚟講係肯定，令到我知道我喺演員呢條路上要去得更加遠，老套啲講我想成為視帝架，我會向住呢個目標努力。」希望將來有機會衝出香港的丁丁，自爆曾為超英電影《尚氣》試鏡，並指自己視前輩陳法拉為學習目標：「佢幾年前都仲喺TVB做緊嘢，用過佢嘅監製而家都用緊我哋，佢畀到信心我哋一班香港演員，只要我哋夠膽諗得遠啲，或者就可以去到更遠。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉