方力申游水學校月蝕廿萬吊鹽水 記者冧樣望「飛魚王子」成焦點

現年42歲嘅方力申上月尾接受《財經透視》訪問，經營游泳學校嘅佢喺節目中大談業界正面臨嘅困境，同時訴說自己由運動員轉型藝人，再做商人嘅心路歷程。雖然訪問只有短短3分鐘，但就畀網民發現記者妹妹「迷妹」上身，望住小方含情脈脈，好冧豬咁樣！

同場加映︰《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向

{{hket:ul-video id="5381"}}{{/hket:ul-video}}

方力申接受TVB《財經透視》採訪，該集專題為「運動員前路」，訪問咗多位現役、退役香港代表運動員，探討佢哋以知名度轉型謀生，當中機遇同遇到嘅挫折。身為前香港游泳代表嘅方力申，2018年同朋友合資開辦游泳學校，但開辦冇耐就遇上疫情，現時做唔到收支平衡，而且每月虧損多達20萬！至2020年6月，游泳學校已停業半年，雖然停課但仍有一定的營運支出，他已向政府借幾十萬周轉「吊命」，方力申不禁大叫損失慘重，蝕到入肉。

{{hket:inline-image name="129680859_176360584209688_8011802258926003212_n.jpg"}}{{/hket:inline-image}}

方力申指，本以為「明星效應」有利做生意，但到真正實行時，合作嘅單位、機構同學校等，都只著眼於公司營運紀錄，而唔係佢嘅個人履歷；所以喺創業初期，方力申要尋找合作夥伴已經係一大困難。經營游泳學校3年多，仍只得兩個游泳場地，佢指要喺市場上佔一席位，係要花好長時間，先至可以慢慢儲到口碑同得到其他人嘅信任。

節目播出時，有網民竟將焦點放咗喺第二度──女記者身上。負責訪問方力申嘅TVB財經組記者何佩珊，攝影機捕捉到佢多角度含情脈脈望住被訪者方力申，訪問後，何佩珊仲有同對方合照留念，未知佢係咪「飛魚王子」嘅小粉絲？ 據知何佩珊去年加入新聞界，做過3個月有線新聞財經主播，其後過檔TVB，現為財經組記者，做財經專題。 

唔少網民見到咁有愛嘅畫面，都叫成日恨拍拖嘅方力申去馬，網上祝福之聲響不停︰「方力申唔係好恨拍拖咩，機會嚟啦」、「兩個幾似樣，幾襯」、「好似韓劇故仔咁，偶像同小粉絲呀」等等；大家都話「飛魚王子」魅力真係不同凡響，大讚方力申嘅Package的確係吸引嘅！

撰文：黃蘊姿